Тәтеш районында территориаль идарәләр белгечләренең техник укуы үткәрелде

Татарстанның Тәтеш районында территориаль идарәләр белгечләренең техник укуы үткәрелде, анда Татарстан экология һәм табигый байлыклар министры Артем Сидоров та катнашты.
Татарстан Экология һәм табигый байлыклар министрлыгы белгечләре, Татарстан буенча Россия Табигать күзәтчелеге, Татарстан буенча Росреестр идарәсе, Татарстан буенча ЭЭМның Экономик җинаятьләр белән көрәш идарәсе, “Татарстан Республикасының геологиясе һәм җир асты байлыкларыннан файдалану фәнни-җитештерү идарәсе” дәүләти унитар предприятиесе вәкилләре җирле әһәмияттәге кишәрлекләргә карата җир асты байлыкларын геологик өйрәнү, рациональ файдалану һәм саклау, шулай ук федераль дәүләти күзәтчелеккә карамаган су объектларын файдалану һәм саклау буенча региональ дәүләти күзәтчелекне оештыру һәм үткәрү мәсьәләләрен тикшерделәр. Шундый темаларга докладлар тыңланды:
– “Җирле әһәмияттәге кишәрлекләргә карата җир асты байлыкларын геологик өйрәнү, рациональ файдалану һәм саклау буенча региональ дәүләти күзәтчелекне тормышка ашыру тәртибе”;
– “Татарстан Республикасы Экология һәм табигый байлыклар министрлыгының Идел аръягы территориаль идарәсенең региональ геологик күзәтчелек һәм су объектларын файдалану һәм саклау өлкәсендә күзәтчелек үткәрү буенча эш тәҗрибәсе”;
– “Җир асты сулары объектларын файдалану һәм саклау өлкәсендә дәүләти геологик күзәтчелек”;
– “Административ органның РФ КоАП 7.3 ст. буенча административ җаваплылыкка тарту турындагы карарларын кире кагу буенча суд карарларын анализлау”;
– “Татарстан Республикасының җирле әһәмияттәге җир асты байлыклары кишәрлекләреннән файдалануның закончалык һәм норматив-хокукый базасы”;
– “Җирле әһәмияттәге җир асты байлыклары кишәрлекләреннән файдалануны проектлау”;
– “Татарстан Республикасы территориясендә экзоген геологик процессларның гомуми үсеш характеристикасы”;
– “Татарстан Республикасы территориясендә экзоген геологик процессларга күзәтчелек челтәре”;
– “Федераль дәүләти күзәтчелеккә карамаган су объектларын файдалану һәм саклау өлкәсендә региональ дәүләти күзәтчелекне тормышка ашыру тәртибе”;
– “Татарстан Республикасы Экология һәм табигый байлыклар министрлыгы 2014 елда Татарстан Республикасы территориясендә урнашкан су объектларының су саклау зоналары һәм яр саклау полосалары чикләрен билгеләү, аларны дәүләти күчемсез милек кадастрына кертү буенча башкарган эшләрнең нәтиҗәләре, әлеге эшләрнең 2040 кадәрге чорларга перспективалары”;
– “Су саклау зоналарының хокукый режимы”;
– “Россия Федерациясе дәүләт хакимияте органнарының һәм җирле үзидарә органнарының су мөнәсәбәтләре өлкәсендәге вәкаләтләре” һәм башкалар.
Шулай ук Тәтеш районы Максимовка авылы төбәгендәге “Максимовка” һәм “Салман” җир асты байлыкларыннан файдалану объектларына барып практик шөгыльләр үткәрелде.
Министрлыкның матбугат хезмәте