ЯҢАЛЫКЛАР

Татарстан Экология һәм табигый байлыклар министрлыгында Татарстан Республика-сының 2030 елга кадәрге чорда социаль-экономик үсеш стратегиясен тикшерү буенча очрашу үткәрелде. 2030 елгача стратегияне Татарстан Президенты Рөстәм Миңнеханов йөкләмәсе буенча “Леонтьев үзәге” халыкара социаль-экономик тикшеренүләр үзәге әзерли.
Очрашу барышында 2030 елгача стратегиянең беренче редакциясе тикшерелде һәм аны Тормышка ашыру планын әзерләү мәсьәләләре буенча арытаба хезмәттәшлек бурычлары билгеләнде.
2030 елгача стратегия республика территориясен үстерүнең глобаль векторларын билгели, аларга исә транспорт инфраструктурасын комплекслы үстерү, җитештерү көчләрен арттыру һәм башка мәсьәләләр керә, шундый шартларда өстенлек территорияне тотрыклы үстерүгә бирелә.

Уфада 2015 елның 7 апрелендә “Су бирү һәм бүлү: сыйфаты һәм нәтиҗәлелеге” дигән фәнни-гамәли конференция үткәрелә.
Конференциянең максаты:
– Суүткәргеч хуҗалыгы, торак-коммуналь хуҗалык предприятиеләре һәм төбәк администрацияләре вәкилләре арасында су бирү һәм бүлү системаларын файдалану проблемалары буенча көнүзәк мәгълүмәт алмашу.
– Халыкның һәм индустриянең эчә торган һәм техник суга хаҗәтләрен нәтиҗәле һәм бәрәкәтле канәгатьләндерү буенча тәҗрибә алмашу.
– Су бирү һәм бүлү өлкәсендәге инновацияләрне популярлаштыру.
– Су белән тәэмин итү өлкәсендәге технологик инновацияләрне федераль һәм региональ кимәлләрдә иңдерү буенча киңәшләр әзерләү.
Конференция су-канализация предприятиеләре, идарә һәм контроль органнары, проектлау, фәнни-тикшеренү, укыту, җәмәгать оешмалары вәкилләренә, технологияләр әзерләүче¬ләргә, җиһаз җитештерүчеләргә һәм хезмәт күрсәтүчеләргә исәпләнә.

Бүген Татарстан Экология һәм табигый байлыклар министрлыгында Татарстанның Чирмешән муниципаль районындагы “Бәркәтә” җир асты кишәрлегеннән бурташларны геологик өйрәнү, эзләү һәм чыгару максатында файдалану хокукына һәм Әлмәт муниципаль районындагы “Яңа Кәшер яткылыгының көнчыгыш чите” җир асты кишәрлегеннән (4нче кишәрлектән) бурташларны геологик өйрәнү, эзләү һәм чыгару максатында файдалану хокукына аукционнар үткәрелде.
Татарстан Экология һәм табигый байлыклар министрлыгы 2015 елның 30 январенда 5 аукцион үткәрү турында белдергән булган.

2015 елның 29 январенда Мәскәүдә “Россиянең уникаль су объектлары” дигән фото-күргәзмә ачылды. Күргәзмәдә Россиянең кабатланмас һәм күптөрле елгаларын, сулыкларын, күлләрен һәм башка су объектларын мәңгеләштергән фото-һәвәскәрләрнең һәм һөнәри фоточыларның эшләре күрсәтеләчәк. Күргәзмәдә катнашучылар аларны Россиянең интерактив картасында да урнаштыра алачак.

Март аенда Пермьдә “Экобум-2015” II халыкара экологик мода конкурсы үткәрелә. Максаты – яшь буында экологик культура формалаштыру өчен шартлар булдыру һәм әйләнә-тирәлеккә дөрес караш тәрбияләү. Катнашучылар 21 яшьтән олырак булмаска тиеш.
Конкурс шундый номинацияләр буенча үткәрелә:
– “Эксперимент” – икенчел чималдан, төрү материалыннан (кәгазь, металл, полиэтилен һ.б.дан) эшләнгән коллекцияләр;
– “Планета ЭКО” – табигый тукымалардан (мамык, җитен, йон, ефәк һ.б.ш.дан), шулай ук табигый материаллардан (салам, орлык, бөртек, диңгез кабырчыгы һ.б.дан) эшләнгән коллекцияләр.
– “Evolution” – ясалма мехтан һәм күннән эшләнгән коллекцияләр. Коллекци¬яләрдә табигать темасы чагылдырылса яхшы.
– “Мисс экостиль” – экологик темага (“Эксперимент” яки “Планета ЭКО”га) туры килгән иң чагу модель.
– “Экологик видеоролик” – эчтәлегендә табигатьне саклау – чүп-чар белән көрәш, суны, урманны, җирне саклау чагылдырылган видеоматериал.
– “Әйберләрнең икенче гомере” – ташландык материалдан эшләнмәләр.
Конкурс материаллары күргәзмәгә катнашучыларның коллективын, фамилиясен һәм исемен, эшнең атамасын күрсәтеп куела.

Мәскәүдә “Мәктәп экология өчен” халыкара конкурсы башланды. Ул мәктәп балалары игътибарын алар үз шәһәрләрендә көн саен очрата торган әйләнә-тирәлек проблемаларына юнәлтүне күздә тота. Анда катнашучылар конкрет идеяләр тәкъдим итәләр, экологик хәлне яхшыртуга һәм бу эшкә киң җәмәгатьчелекне җәлеп итүгә юнәлтелгән акцияләр үткәрәләр. Конкурска эшләрне 7-10 класс укучылары 2015 елның 15 февраленә кадәр җибәрә ала.

Израильдә 27-28 январьда 19нчы LeanTech 2015 халыкара күргәзмәсе уздырыла. Чара кысаларында су технологияләре, энергетик нәтиҗәлелек, яңартмалы энергия чыганаклары, “яшел” транспорт һәм йорт төзелеше буенча күргәзмә эшләячәк, анда әйләнә-тирәлекне саклау өлкәсендәге иң яңа эшләнмәләр, продуктлар һәм хезмәт күрсәтүләр, су чистарту һәм төчеләндерү, калдыклары эшкәртү һ.б. технологияләре күрсәтеләчәк.

Мәскәүдә 2015 елның апрелендә Балаларның Әдәбият елына багышланган “Яшел планета 2015” XIII бөтенроссия экологик форумы үткәрелә
Форумның максатлары:
– яшь россиялеләрдә табигатькә аны әдәби әсәрләрдә тасвирлау аша ихтирамлы караш тәрбияләү;
– балаларда һәм үсмерләрдә мәдәни һәм табигый төрлелекне саклау принципларына ярашлы рәвештә уртак кешелек кыйммәтләренә толерант мөнәсәбәт тәрбияләү;
– илнең яшь халкында экологик культура һәм кешелек алдында торган глобаль проблемаларга карата актив тормыш позициясе формалаштыру.
Конкурска түбәндәге дүрт номинация кертелгән:
1. “Урман тормышы һәм кешеләр язмышы”.
2. “Яшел планета балалар карашында”.
3. “Борынгы традицияләрнең күптөрлелеге”.
4. “Табигать. Культура. Экология.”
Форум конкурсларында үзләренең дүрт номинациядәге иҗат эшләре

Петропавловск-Камчатск шәһәрендә 2015 елның мартында «Табигый ресурслар, аларның хәзерге торышы, аларны саклау, промыселда һәм техник куллану» алтынчы бөтенроссия фәнни-гамәле конференциясе үткәрелә.
Конференциянең юнәлешләре:
1. Табигый ресурсларны кешенең куллану һәм яшәү продуктларына әверүне оптимальләштерү.
2. Балык тотуның, балык тоту комплексы тармаклары һәм объектларының, су транспортының торышы һәм проблемалары.
3. Табигатьтән файдалануның һәм экологик белем бирүнең социаль-экономик һәм норматив-хокукый аспектлары.
4. Табигый тирәлекнең, биологик һәм минераль ресурсларның торышы, аларны куллану.
Чарада вузларның һәм фәнни оешмаларның студентлары, аспирантлары, укытучылары һәм хезмәткәрләре катнаша ала.
Докладлар prir-res@kamchatgtu.ru электрон адресына 2015 елның 1