ЯҢАЛЫКЛАР

Бүген Татарстан Министрлар Кабинетында республикада санитар-экологик икеайлык үткәрүгә багышлаган брифинг булып узды. Анда катнаштылар: Татарстан экология һәм табигый байлыклар министры урынбасары – ТР табигать саклау буенча баш дәүләт инспекторы Рәмил Низамов, Татарстан Экология һәм табигый байлыклар министрлыгының Үзәк территориаль идарәсе башлыгы Илһам Сабиров, Татарстан урман хуҗалыгы министрының беренче урынбасары Харис Мусин, Кулланучылар хокукларын саклау һәм кеше иминлеге өлкәсендә күзәтчелек федераль службасының ТР буенча идарәсе җитәкчесе урынбасары Алмас Имамов, Казан шәһәрен тышкы төзекләндерү комитеты рәисе урынбасары Рәис Зәйнетдинов.

Бүген Татарстан экология һәм табигый байлыклар министры урынбасары – табигать саклау буенча баш дәүләт инспекторы Рәмил Низамов “Татарстан ДТРК” радиосының “Вакыйгалар панорамасы – Яңа көн” программасында катнашты. Тапшыруның темасы – Татарстанда территорияләрне чистарту буенча санитар-экологик икеайлык үткәрү иде. Радионың эфир язмасын http://radiotatarstana.ru/ru/31-marta-7-10-pryamojj-ehfir/ юнәлтмәсе буенча тыңларга мөмкин.

Татарстанда автоягулык станцияләрен мотор ягулыгы парларын тоту һәм рекуперацияләү системалары белән җиһазлау дәвам итә. Чаллыда Татарстан Экология һәм табигый байлыклар министрлыгының Кама буе территориаль идарәсе белгечләре “Фобос” ҖЧҖнең Муса Җәлил проспектында урнашкан автоягулык станциясендә нефть продуктларын салуның йомык системасы белән таныштылар. Система мотор ягулыгы парларын резервуарлардан һәм ягулык тарату колонкаларыннан арытаба нефть базаларында рекуперацияләү өчен автоцистерналарга җыюдан тора.

2015 ел азагына кадәрге беренче этапта нефть продуктлары белән тәэмин итү субъектлары үз автоягулык станцияләрен программа срокларында җиһазлыйлар. Чаллыда бүгенгәчә 72 станциянең 35е җиһазланган.

Бүген Татарстан Экология һәм табигый байлыклар министрлыгының информацион-аналитик эшчәнлек идарәсе башлыгы Владислав Чеславович Юранецның туган көне. Ул Министрлыкта 2001 елның июленнән бирле эшли, башта информацион системаларны һәм информатизацияне үстерү бүлеге башлыгы иде, хәзерге вазифасына 2010 елның 1 февраленнән күчте.

Экология министрлыгы Владислав Чеславовичны туган көне белән котлап, аңа барлык план һәм проектларының тормышка ашуын, һөнәри уңышлар, бәхетле тормыш, бетмәс көч-куәт һәм ныклы сәламәтлек тели.

Яшел Үзән районы Карагуҗа урта мәктәбе базасында укучы балаларның фәнни-тикшеренү, проект һәм иҗат эшләренең “Авылны сайлыйм” дигән V республика конкурсы үткәрелде.

Конкурста Татарстан гомуми белем бирү мәктәпләренең 5-8 класс укучылары һәм укытучылары катнашты. Эшләр “Авыл булса мин дә булырмын”, “Туган як этнографиясе”, “Туган якта экология һәм табигатьтән файдалану”, “Туфрак агротехникасы” дигән 4 тематик юнәлеш буенча бирелгән иде.

“Туган якта экология һәм табигатьтән файдалану” секциясендә 6 тикшеренү эше каралды. Мәсәлән, инешләрнең һәм сулыкларның, чишмәләрнең, урманнарның һәм аеруча саклаулы табигать территорияләренең экологик торышына караган эшләр.

Еллык халыкара “Җир сәгате” акциясе быел 28 мартта җирле вакыт белән 20.30дан 21.30га кадәр үткәрелә. Аны Бөтендөнья кыргый табигать фонды мартның соңгы шимбәсендә үткәрә. Акция төрле ил халыкларының энергия һәм ресурсларны саклау, планета күләмендә экологик хәлне яхшырту проблемаларын чишүдә бердәм ихтыярын гәүдәләндерә.

Бүген Татарстан Экология һәм табигый байлыклар министрлыгының дәүләт хезмәте һәм кадрлар бүлеге башлыгы Шамил Касыйм улы Сәлимгәрәевның туган көне. Ул Министрлыкта 2008 елның июненнән бирле эшли.

Экология министрлыгы коллективы Шамил Касыймовичны туган көне белән котлап, аңа барлык эшләрендә уңышлар, ныклы сәламәтлек, иминлек һәм яхшы кәефләр тели
.

Бүген Татарстан Экология һәм табигый байлыклар министрлыгының дәүләт хезмәте һәм кадрлар бүлеге башлыгы Шамил Касыйм улы Сәлимгәрәевның туган көне. Ул Министрлыкта 2008 елның июненнән бирле эшли.

Экология министрлыгы коллективы Шамил Касыймовичны туган көне белән котлап, аңа барлык эшләрендә уңышлар, ныклы сәламәтлек, иминлек һәм яхшы кәефләр тели
.

Татарстан Экология һәм табигый байлыклар министрлыгында социаль юнәлешле коммерциясез оешмалар вәкилләре өчен 2015 елда Татарстан бюджетыннан субсидияләр алу хокукына конкурста катнашу буенча өйрәтү семинары булып узды. Аның эшендә Татарстан Президентының Эчке политика департаментының Гражданлык җәмгыяте институтлары белән бәйләнешләр идарәсенең баш киңәшчесе Айгөл Хәкимова да катнашты. Семинар барышында субсидияләр алу буенча конкурска гаризалар бирү тәртибе, проектның актуальлеген бәян итү, аны хокукый, экономик һәм оештыру ягыннан нигезләү мәсьәләләре тикшерелде.

Бүген Татарстан экология һәм табигый байлыклар министры Артем Сидоров Татарстанда экологик куркынычсызлык, табигатьтән файдалану һәм санитар-эпидемиологик иминлек буенча тармак-ара комиссиянең утырышын үткәрде. Утырыш Татарстан Министрлар Кабинетында видеоконференция режимында барды. Анда Татарстан министрлыклары һәм тармаклары, Татарстан Прокуратурасы органнары – Казан район-ара табигать саклау прокуратурасы, Татарстан район-ара табигать саклау прокуратурасы, Россия Табигать күзәтчелеге, Татарстан буенча Россия кулланучылар күзәтчелеге идарәләре, Татарстанның хайваннар дөньясы объектларын саклау һәм файдалану идарәсе, Татарстан гидрометеорология һәм әйләнә-тирәлеккә мониторинг идарәсе вәкилләре катнашты.