ЯҢАЛЫКЛАР

Экологлар, вертолетка утырып, Лаеш, Питрәч, Биектау районнары һәм Казан шәһәре өстеннән очу барышында табигатьне саклау законын бозуның 100дән артыграк очрагын ачыклаган.

 Теләк булганда, олыбыз да, кечебез дә яраткан елга-күлләребезне саклау эшенә саллы өлеш  кертә ала.

Ел башыннан бирле Республика экологик иҗтимагый кабул итү бүлмәсенә 3604  мөрәҗәгать кергән. Шуның 2217се  – “Мәктәп экопатруле” мобиль кушымтасы аша.

11 май – Татарстан Республикасы Экология һәм табигать ресурслары министрлыгы оештырылган көн. Ведомство инде менә 2001 елдан бирле (элегрәк – Әйләнә-тирә мохитне саклау һәм табигать ресурслары министрлыгы иде) республикабызның табигый байлыклары сагында тора. Табигатьтән файдалануның икътисади механизмын камилләштерү, республикада әйләнә-тирә мохитне саклау һәм экологик белем бирү буенча республиканың киң колачлы программаларын тормышка ашыру элек-электән үк Министрлык эшчәнлегенең төп юнәлеше булды.

Хөрмәтле ветераннар, тыл хезмәтчәннәре, республикабызда яшәүчеләр! Сезне Бөек Җиңү бәйрәме – Җиңү көне белән эчкерсез котлыйм!

ТР Экология һәм табигать ресурслары министрлыгының Көньяк-Көнчыгыш территориаль идарәсе белгечләре Лениногорск шәһәре башкарма комитеты вәкилләре белән берлектә Лениногорск районы Камышлы елгасының су саклау зонасын тикшерү барышында табигатьне саклау законнарын бозу очракларын ачыклаган.

Буа шәһәренең “Теремок” балалар бакчасында сабыйларны экология отрядлары сафларына кабул итү тантанасы узды. Чара кысаларында балалар тылсымлы урманга мавыктыргыч сәяхәт кылып, анда әкият герое – Лесовичок белән очрашты, әкият герое белән бергәләшеп, “Планетаны буя”, “Урманны чүптән чистартабыз”, “Кош тавышлары” дигән уеннар уйнады, экологик мәсьәләләр чиште.

Бүген Спортның ишкәкле көймә төрләре үзәгендә Бөек Ватан сугышында җиңүгә 74 ел тулуга багышланган ярышлар булып узды. Спорт ярышларында балалар-яшьләр спорт мәктәбе укучылары, ишкәкле көймә спорты ветераннары, Татарстан Республикасы Экология һәм табигать ресурслары министрлыгы, “Зарница” җитештерү берләшмәсе,  Марко Групп компаниясе хезмәткәрләре, шулай ук күрше төбәкләрдән – Түбән Новгород өлкәсе һәм Мари Иле Республикасыннан килгән егет-кызлар катнашты.

Татарстан Республикасы Экология һәм табигать ресурслары министрлыгы май ае яллары алдыннан республикабызда яшәүчеләргә һәм кунакларга янгын куркынычсызлыгы таләпләрен үтәү зарурилыгы турында искә төшерә һәм урманнарда учак якмаска, ут белән бик сак эш итәргә өнди.

Көньяк-Көнчыгыш территориаль идарәсе инспекторлары санитария-экология икеайлыгын үткәрү чорында планлы рейд кысаларында Казан шәһәрендә булган.