Түбән Кама районында рөхсәт ителмәгән чүплекне рекультивацияләү проекты буенча җәмәгать тыңлаулары үткәрелгән
“Түбән Кама районының Прости авылында урнашкан рөхсәтсез чүплекне рекультивацияләү” проекты документлары буенча җәмәгать тыңлаулары үткәрелгән. Чарада Түбән Кама муниципаль районында яшәүче 47 кеше, шул исәптән авыл, шәһәр советлары һәм районы советы депутатлары, шәһәр һәм районның иҗтимагый оешмалары вәкилләре катнашкан. Шулай итеп, алар планлаштырыла торган эшләр турында проект документларын бәяләү мөмкинлегенә ирешкән. Әлеге проект тыңлауларда катнашучылар тарафыннан хупланган.
Проектны тормышка ашыруны финанслауның “Экология” илкүләм проекты кысаларында “Чиста ил” федераль проекты буенча хәл ителүе көтелә. Федераль проектның максаты – 2018 елның 1 гыйнварына шәһәр чикләрендә ачыкланган рөхсәтсез барлык чүплекләрне һәм хәтәр белән янардай тупланма экологик зыян объектларын 2024 елга әйләнә-тирә мохиткә тупланма зыян йогынтысына дучар булган җир кишәрлекләрен торгызу, шул исәптән рекультивацияләү хисабына юкка чыгару.
ТР ЭТРМ матбугат хезмәте