ЯҢАЛЫКЛАР

2014 елның 21-24 апрелендә Санкт-Петербургта “Өмет меридианы” Дүртенче Бөтенроссия экологик кинофестивале уздырыла, ул Табигатьтән файдалану өлкәсендә күзәтчелек федераль службасы һәм Санкт-Петербург кинематографистлар берлеге тарафыннан 2011 елда нигезләнгән иде. Чара гражданнар игътибарын уңайлы әйләнә-тирәлекне саклау проблемаларына җәлеп итүгә, илнең экологик тематикалы фильмнар төшерүче кинематографистларын берләштерүгә, дөньяга экологик караш һәм экологик культура тәрбияләүгә юнәлтелгән.

Бүген “Корстонда” Татарстан премьер-министры Илдар Халиков катнашында, Татарстан буенча Кулланучылар хокукларын һәм кеше иминлеген яклау федераль идарәсенең (Роспотребнадзорның) коллегия утырышы булып узды.
Роспотребнадзорның Экология министрлыгы белән бәйләнешләре турында доклад белән Татарстан Экология һәм табигый байлыклар министры Артем Сидоров чыгыш ясады. Аның әйтүенчә, Казан шәһәрендә атмосфера һавасын пычратуның стационар чыганаклары (предприятиеләр) һәм автотранспорт агымнары турында белешмәләр базасы, шулай ук шәһәрнең атмосфера һавасындагы пычраткыч матдәләр күләме буенча Министрлык һәм Роспотребнадзор идарәсе үткәргән үлчәүләр Универсиадага әзерлек һәм аны үткәрү барышында атмосфера һавасының тиешле сыйфатын тәэмин итүче чаралар комплексын әзерләү өчен файдаланылган.

Татарстан Экология һәм табигый байлыклар министрлыгы сайты “Татар телендәге иң яхшы сайт” номинациясендә III урынны алды. Бу дәрәҗә һәм бүләк бүген Татарстан Мәгълүмәт һәм элемтә министрлыгының йомгаклау коллегиясендә тапшырылды.

Җир асты байлыкларыннан файдалану буенча федераль агентлык (Роснедра) җир асты байлыкларыннан файдаланучылар һәм геологик оешмалар өчен махсус интернет-портал төзергә ниятли, анда “шәхси кабинет”та теркәлергә мөмкин булачак. Бу минераль чимал базасын яңадан торгызу программалары, җир асты байлыкларыннан файдалану шартларының торышы буенча белешмәләр һәм проект документлары, статистик һәм аналитик белешмәләр алуга юл ача.

Татарстан Экология һәм табигый байлыклар министрлыгында коррупциягә каршылык, шулай ук 2014 елда “көнкүреш коррупциясенә” юл куймау мәсьәләләре каралды.
Киңәшмәләр министрлыкның барлык территориаль идарәләрендә үткәрелде.

Татарстан Экология һәм табигый байлыклар министрлыгының Кама буе территориаль идарәсе инспекторлары “Көнкүреш электроникасы” җаваплылыгы чикләнгән җәмгыятенең җитештерү һәм куллану калдыкларын туфракка ташлавын ачыкладылар. Административ тикшерү барышында билгеле булганча, биналарны, шул исәптән көнкүреш техникасы кибетен ремонтлаганда калдыклар белән эш итүнең экологик һәм санитар-эпидемиологик таләпләре үтәлмәгән.

Татарстан экология һәм табигый байлыклар министры Артем Сидоров “Fisia Babcock” концерны вице-президенты Георг Гешвендтас әфәнде белән очрашты. Очрашу барышында бу Германия концернының чүп-чар яндыру заводы төзү турындагы тәкъдиме каралды. Тәкъдим ителгән инвестиция проекты калдыкларны термик юк итеп электр һәм җылылык энергиясе алуны күздә тота.

Татарстан Экология һәм табигый байлыклар министрлыгы хезмәткәрләре “Россия чаңгы юлы – 2014” ярышларында катнашачак. Күмәк чаңгы ярышы 2 февральгә билгеләнгән. Быел ярышлар өч урында узачак. Төп старт “Урман арты” бистәсенең “Кояшлы” савыктыру лагеры каршында 12.00дә оештырыла. Аннан тыш, “Россия чаңгы юлы-2014” тагын ике урында – Идел буе районы Имәнлек урамының урман паркында һәм Совет районы Дәрвишләр бистәсендәге Каенлыкта үткәрелә.