ЯҢАЛЫКЛАР

Мәскәүдә яшьләрнең шәһәр тирәлегендә яңартмалы энергия чыганакларын куллану буенча II “Белеме энергиясе” иҗади проектлар конкурсы уздырыла.
Конкурсның номинацияләре:
– Шәһәр инфраструктурасы
– Спорт корылмалары, парклар һәм табигатьтә ял итү зоналары
– Шәхси чишелешләр
– Гадәттән тыш идеяләр.
Конкурста Россия Федерациясенең 35 яшькәчә булган гражданнары катнаша ала.
Проектларны Конкурс комиссиясендә бәяләү, Конкурска йомгак ясау һәм җиңүчеләрне билгеләү 2015 елның 16 мартына кадәр башкарыла. Тулырак белешмәләр http://www.energyznanie.ru сайтында.

Мәскәүдә Вернадский исемендәге экологик фонд, “Гринлайт” халыкара экологик җәмәгать оешмасы һәм “Гринлайф” төбәк-ара экологик җәмәгать оешмасы “Экологик культура. Тынычлык һәм татулык” дигән халыкара проектны тормышка ашыра. Проект¬ның максаты – Россия Федерациясе халкының экологик культурасын формалаштыру һәм үстерү өлкәсендә практик кулланышлы проект һәм идеяләрне ачыклау.
Проект түбәндәге номинацияләрне күздә тота:
– Экологик белем бирү;
– Экологик тәрбия һәм агарту;
– Биологик төрлелекне саклау һәм ландшафтларны савыктыру;
– Индустриядә һәм энергетикада экологик культура;
– Хәбәр чаралары һәм экологик культура;
– Сәламәтлек экологиясе;
– Социаль башлангычларның экологик культурасы.
Халыкара проектта оешмалар, авторлык коллективлары, дәүләт хакимияте органнары катнаша ала.
Гаризалар 2015 елның 31 мартына кадәр кабул ителә.

Кемерово шәһәрендә “Экологик тәрбия һәм белем” бөтенроссия конкурсы башланды. Катнашырга башлангыч класс укытучылары, предмет укытучылары, коррекцион белем бирү педагоглары, өстәмә белем бирү педагоглары, балалар бакчалары тәрбиячеләре, методистлар, башлангыч һәм урта һөнәри белем бирү оешмалары студентлары чакырыла.
Конкурсның номинацияләре:
– Презентация
– Сочинение
– Автор шигыре
– Фоторепортаж
– Рәсем
– Эшләнмә.
Материаллар 2015 елның 31 мартына кадәр кабул ителә. Тулырак белешмәләр konkursolimp.ru сайтында.

Бүген Казанда, Татарстан Президенты Рөстәм Миңнеханов катнашында, Татарстан Экология һәм табигый байлыклар министрлыгының һәм Табигатьтән файдалану өлкәсендә күзәтчелек федераль службасының Татарстан буенча идарәсенең берлектәге йомгаклау коллегиясенең 2014 елгы эш йомгакларына һәм 2015 елга бурычларга багышланган берлектәге утырышы булып узды. Төп докладлар белән Татарстан экология һәм табигый байлыклар министры Артем Сидоров һәм Табигатьтән файдалану өлкәсендә күзәтчелек федераль службасының Татарстан буенча идарәсе җитәкчесе Фәрит Хәйретдинов чыгыш ясады. Экология министры докладының тексты белән Министрлык сайтының “Матбугат хезмәте – Рәсми чыгышлар” бүлегендә таныша аласыз.
Табигать саклау тармакларының эшен бәяләп, Татарстан Президенты Рөстәм Миңнеханов: “Татарстан Экология һәм табигый байлыклар министрлыгының һәм Табигатьтән файдалану өлкәсендә күзәтчелек федераль службасының Татарстан буенча идарәсенең эшчәнлеге федераль дәрәҗәдә югары бәяләнә. Республикада корылган система, тармакларда булган белгечләр һәм лаборатор-техник җиһазлар бөтен хәл-әхвәлне он-лайн режимда күзәтергә һәм тиешле

Казан шәһәренең экология-биология балалар үзәге, Татарстан Мәгариф һәм фән министрлыгының “Республика олимпиада үзәге” өстәмә белем бирү дәүләти автоном оешмасы белән берлектә, “Савытның икенче гомере” республика конкурсын игълан итте. Анда Татарстанның белем бирү оешмалары катнаша ала. Проект гомуми белем бирү оешмаларында укучылар арасында сәламәт яшәү рәвешен киң таратуга юнәлтелә. Чара “Кием моделе”, “Уенчык”, “Композиция” номинацияләре буенча үткәрелә. Катнашучылардан икенчел материалларны файдаланып ясалган эшләнмәләр, фотографияләр, плакатлар, язмалар, костюмнар көтелә. Конкурска материаллар 2015 елның 1 мартына кадәр кабул ителә.

Омскида, “ЭКО” экологик проекты кысаларында, яшьләрнең “Без Тынычлык яклы” халыкара экологик конкурс-күргәзмәсе башланды. Ул листовкалар, рәсемнәр номинацияләрендә үткәрелә.
Катнашучыларның категорияләре:
I яшь категориясе – студентлар;
II яшь категориясе – 9-11 класс укучылары;
III яшь категориясе – 5-8 класс укучылары;
IV яшь категориясе – 1-4 класс укучылары.
Эшләр 2015 елның 1 мартына кадәр proekt.eko@mail.ru е-mailына кабул ителә.

2015 елның маенда Мәскәүдә “Каты көнкүреш калдыклары белән эш итүдә идарә сис-темалары: хокукый, финанс һәм техник чишелешләр” халыкара конференциясе үткәрелә.
Конференциянең максаты – каты көнкүреш калдыкларын эшкәртү һәм утильләштерү, тармакның хәлиткеч проблемаларының рациональ чишелешләрен сайлау өлкәсендә бизнесның, инвесторларның һәм хакимиятнең нәтиҗәле диалогы, тупланган тәҗрибә һәм инновацияләр буенча фикер алышу өчен платформа бирү.
Конференция калдыклар белән эш итү секторы белгечләренең, дәүләти, региональ һәм муниципаль хакимият органнарының, фәнни-тикшеренү, проект, белем бирү, җәмәгать оешмаларының, технологияләр эшләүчеләрнең, җиһаз җитештерүчеләрнең һәм инвестиция компанияләренең киң даирәсенә исәпләнә.
Катнашучылар үз материалларын konovalova@ecwatech.ru e-mailына 2015 елның 16 февраленнән соңармыйча җибәрә ала.

Татарстан Экология һәм табигый байлыклар министрлыгында Татарстан Республика-сының 2030 елга кадәрге чорда социаль-экономик үсеш стратегиясен тикшерү буенча очрашу үткәрелде. 2030 елгача стратегияне Татарстан Президенты Рөстәм Миңнеханов йөкләмәсе буенча “Леонтьев үзәге” халыкара социаль-экономик тикшеренүләр үзәге әзерли.
Очрашу барышында 2030 елгача стратегиянең беренче редакциясе тикшерелде һәм аны Тормышка ашыру планын әзерләү мәсьәләләре буенча арытаба хезмәттәшлек бурычлары билгеләнде.
2030 елгача стратегия республика территориясен үстерүнең глобаль векторларын билгели, аларга исә транспорт инфраструктурасын комплекслы үстерү, җитештерү көчләрен арттыру һәм башка мәсьәләләр керә, шундый шартларда өстенлек территорияне тотрыклы үстерүгә бирелә.

Уфада 2015 елның 7 апрелендә “Су бирү һәм бүлү: сыйфаты һәм нәтиҗәлелеге” дигән фәнни-гамәли конференция үткәрелә.
Конференциянең максаты:
– Суүткәргеч хуҗалыгы, торак-коммуналь хуҗалык предприятиеләре һәм төбәк администрацияләре вәкилләре арасында су бирү һәм бүлү системаларын файдалану проблемалары буенча көнүзәк мәгълүмәт алмашу.
– Халыкның һәм индустриянең эчә торган һәм техник суга хаҗәтләрен нәтиҗәле һәм бәрәкәтле канәгатьләндерү буенча тәҗрибә алмашу.
– Су бирү һәм бүлү өлкәсендәге инновацияләрне популярлаштыру.
– Су белән тәэмин итү өлкәсендәге технологик инновацияләрне федераль һәм региональ кимәлләрдә иңдерү буенча киңәшләр әзерләү.
Конференция су-канализация предприятиеләре, идарә һәм контроль органнары, проектлау, фәнни-тикшеренү, укыту, җәмәгать оешмалары вәкилләренә, технологияләр әзерләүче¬ләргә, җиһаз җитештерүчеләргә һәм хезмәт күрсәтүчеләргә исәпләнә.

Бүген Татарстан Экология һәм табигый байлыклар министрлыгында Татарстанның Чирмешән муниципаль районындагы “Бәркәтә” җир асты кишәрлегеннән бурташларны геологик өйрәнү, эзләү һәм чыгару максатында файдалану хокукына һәм Әлмәт муниципаль районындагы “Яңа Кәшер яткылыгының көнчыгыш чите” җир асты кишәрлегеннән (4нче кишәрлектән) бурташларны геологик өйрәнү, эзләү һәм чыгару максатында файдалану хокукына аукционнар үткәрелде.
Татарстан Экология һәм табигый байлыклар министрлыгы 2015 елның 30 январенда 5 аукцион үткәрү турында белдергән булган.