ЯҢАЛЫКЛАР
Бүген Татарстан Экология һәм табигый байлыклар министрлыгында Белоруссия һәм Россия берлеге Парламент Җыелышы комиссиясе әгъзалары булган депутатлар белән эшлекле очрашу булып узды. Анда табигатьне саклау буенча региональ сәясәтнең уңай тәҗрибәсе белән таныштыру максаты күздә тотылды.
20 апрель көнне Чаллыда, санитар-экологик икеайлык кысаларында, Экология һәм табигый байлыклар министрлыгының Кама буе территориаль идарәсе инспекторлары һәм матбугат вәкилләре катнашында рейд үткәрелде.
22 апрель көнне Казанның Горький исемендәге үзәк культура һәм ял паркында Татарстан Экология һәм табигый байлыклар министрлыгы һәм “Максидом” компаниясе ярдәме белән үткәрелгән “Сыерчыклар кайтты” акциясенә йомгак ясалды.
Узган шимбәдә Чистай урамының 26нчы йорты ишегалдындагы рөхсәтсез чүплек бетерелде. Аның турыда мәгълүмат шунда яшәүчеләрдән дәүләт хезмәтләре порталы аркылы “гражданнар контроле” бүлегенә кергән иде.
Татарстанның Экология һәм табигый байлыклар министрлыгында бүген Иҗтимагый совет утырышы булып узды. Иҗтимагый советның җитәкчесе Анатолий Щеповских рәислек иткән бу утырышта министрның беренче урынбасары Рөстәм Камалов та катнашты.
Бүген, республикабызның шәһәр һәм район җирләрен чистарту буенча 1 апрельдә башланган санитар-экологик икеайлык кысаларында, Татарстан Экология һәм табигый байлыклар министрлыгының Үзәк территориаль идарәсе инспекторлары һәм массакүләм хәбәр чаралары катнашында, Казанның Вахитов районы буйлап рейд үткәрелде. Рейд барышында Таҗи Гыйззәт һәм Петербург урамнары тикшерелде.
Бүген Татарстан Республикасының экология һәм табигый байлыклар министры Артем Сидоров, Россия табигать инспекциясенең Татарстан бүлеге, Россия кулланучылар инспекциясенең Татарстан бүлеге җитәкчеләре, Казан шәһәре башкармасы җитәкчесе урынбасары, Казанның район башлыклары, Яшел Үзән район башкармасы җитәкчесе, Горький тимер юлының Казан бүлекчәсе башлыгы, хәбәр чаралары вәкилләре белән берлектә, Казан – Дәрвишләр – Зөя маршруты буенча тимер юл буйларының санитар-экологик торышын бәяләп узды.
Казан шәһәренең “Здравушка” мөмкинлеге чикләнгән балаларны тернәкләндерү үзәгендә “Килде ямьле яз” дип аталган экологик-агарту чарасы – музыкаль бәйрәм үткәрелде, аны Татарстанның Экология һәм табигый байлыклар министрлыгы “Экологик тернәкләндерү” проектын тормышка ашыру кысаларында оештырган иде.
Экология һәм табигый байлыклар министрлыгының волейбол буенча җыелма командасы, министр Артем Сидоров җитәкчелеге астында, Татарстан Республикасының башкарма власть органнары аппаратлары хезмәткәрләренең II Спартакиадасында, МВД һәм МЧС командаларын гына алга үткәреп, 3нче урынны алды.
Бүген, санитар-экологик икеайлык кысаларында, Татарстан Республикасы экология һәм табигый байлыклар министрлыгының Үзәк территориаль идарәсе хезмәткәрләре тарафыннан, массакүләм мәгълүмат чаралары вәкилләре белән берлектә, Каен урманына рейд үткәрелде. Алдагы якшәмбе көнне Казан шәһәре һәм шәһәр яны территорияләрен һавадан күзәтү барышында шул төбәктә рөхсәт ителмәгән бер чүп-чар түгү урыны табылган иде.