ЯҢАЛЫКЛАР

1 март көнне Яшел Үзән шәһәренең “Маяк” спорт комплексы базасында, Татарстан Дәүләт хезмәткәрләре спартакиадасы кысаларында, чаңгы ярышлары үткәрелде. Хатын-кызлар 1 км, ирләр 3 км дистанциядә узыштылар. Ярышларда икешәр хатын-кыздан һәм икешәр ир-аттан торган 25 команда катнашты. Татарстан Экология һәм табигый байлыклар министрлыгы командасы 5нче урынны алды.

27 февральдә Татарстан Экология һәм табигый байлыклар министрлыгының Үзәк территориаль идарәсе инспекторлары Питрәч районының санитар-экологик торышын тикшерү буенча рейд үткәрделәр. Аның барышында Колай авылы территориясендә киң таралган файдалы казылмаларны законсыз чыгару факты ачыкланды. Бер урында 9 йөк автомобиле һәм 1 экскаватор эшли иде. Бергәләп эш итү өчен шунда Питрәч районы буенча Эчке эшләр министрлыгының УУП һәм ПДН бүлеге участковые, юл хәрәкәте куркынычсызлыгы инспекторы, патруль-пост хезмәте полицейские чакырылды. Йөк машиналарын йөртүчеләрнең документлары тикшерелде, физик затларга РФ Адм. Хокук бозулар Кодексының “Җир асты байлыкларыннан лицензиясез файдалану” 7.3 ст. 1 өлеше буенча ике беркетмә төзелде. Питрәч районы полиция бүлеге шул административ хокук бозуга бәйле кешеләрне ачыклау чаралары күрә. Экология министрлыгы киң таралган файдалы казылмаларны законсыз чыгару нәтиҗәсендә килгән зыянны исәпләячәк.

Бүген Татарстан Экология һәм табигый байлыклар министры Артем Сидоров Санкт-Петербургта “БЕРДӘМ РОССИЯ” партиясенең “Санкт-Петербург – Россиянең диңгез башкаласы” проекты кысаларында узучы “Экология” V Халыкара форумы эшендә катнаша. Форум Россиянең су объектларын тотрыклы үстерү буенча нәтиҗәле чаралар әзерләүгә багышлана.

Бүген Казанда, “Казан ярминкәсе” күргәзмә үзәге территориясендә “Куркынычсызлык һәм элемтә” XIX форумы үткәрелә, ул төрле куркынычсызлык һәм тормыш эшчәнлеге өлкәләренә эшләнмәләр һәм корылмалар иңдерү өлкәсендә Татарстанның перспективалы эшчәнлек мәйданы булып тора.
1 мартка кадәр барачак бу форумның эшендә дөньяның 24 иленнән вәкилләр катнаша.

Чаллыда Кама буендагы муниципаль берәмлекләрнең башкарма комитетлары җитәкчеләре катнашында киңәшмә уздырылды. Ул Татарстан Экология һәм табигый байлыклар министрлыгының Кама буе территориаль идарәсенең эшчәнлегенә һәм җирле хакимият органнары белән бәйләнешенә багышланган иде.
Киңәшмәдә территориаль идарә башлыгы Наил Гарипов чыгыш ясады һәм идарәнең 2013 елгы эш йомгаклары, 2014 елга бурычлары турында сөйләде. Аеруча игътибарны әйләнә-тирәлекне саклау өлкәсендә хезмәттәшлеккә юнәлтте. Моңа табигать саклау чараларын планлаштыру һәм үтәү, административ комиссияләр белән эш итү, җирле хаҗәтләр өчен киң таралган файдалы казылмалар чыгарганда документлар тутыру үзенчәлекләре, экологик тәрбия һәм белем бирү чаралары үткәрү керә.

Азнакай шәһәр Балалар иҗаты үзәгендә, туризм һәм төбәк бүлегенең хисап атнасы кысаларында, “Туган як урманы – табигать хәзинәсе” дигән брейн-ринг үткәрелде. Анда Азнакай Балалар иҗаты үзәгенең “Кедр” һәм “Тере табигать” экологик берләшмәләрендә тәрбияләнүчеләрнең командалары ярышты.

Татарстан Экология һәм табигый байлыклар министрлыгында Министрлыкның Коррупциягә каршылык комиссиясе утырышы булып узды.
Көн тәртибенә шундый мәсьәләләр куелган иде:
1. Дәүләти финанс контроле органнары 2012 елда һәм 2013 елның 1 кварталында ачыклаган бозуларны һәм җитешсезлекләрне анализлау һәм системалаштыру нәтиҗәләрен карау турында.

Татарстан Экология һәм табигый байлыклар министрлыгында узган киңәшмәдә 2013 елга йомгак ясалды һәм 2014 елга бурычлар билгеләнде. Чарада Экология һәм табигый байлыклар министры урынбасары, Татарстанның Табигать саклау буенча баш дәүләт инспекторы Рәмил Низамов катнашты. Башкарылган эшләр турында доклад белән Министрлыкның Үзәк территориаль идарәсе башлыгы Илһам Сабиров чыгыш ясады. Ул 2013 елда үтәлгән берничә төп бурычны билгеләп үтте, мәсәлән: Россия Федерациясенең Әйләнә-тирәлекне саклау елы һәм Татарстанның Экологик культура һәм әйләнә-тирәлекне саклау елы кысаларында үткәрелгән чараларны тәэмин итү; муниципаль берәмлекләр территорияләренең тиешле санитар-экологик торышын тәэмин итү; 2013 елда Казан шәһәрендә Бөтендөнья Җәйге Универсиадасын әзерләү һәм үткәрү чорында экологик һәм санитар-эпидемиологик куркынычсызлыкны тәэмин итү; Казан шәһәренең Адмиралтейство Бистәсе территориясен тикшереп әйләнә-тирәлекне пычратырга ихтимал булган чыганакларны һәм гамәлдәге законнар нигезендә административ йогынты чаралары күрелмәле экологик закон бозуларны ачыклау.

Татарстан Экология һәм табигый байлыклар министрлыгының Ык буе территориаль идарәсендә 2013 елгы эшчәнлекне йомгаклау һәм 2014 елга бурычлар билгеләү буенча киңәшмә уздырылды. Аның эшендә Министр урынбасары, республиканың Табигать саклау буенча баш дәүләт инспекторы Рәмил Низамов, Азнакай муниципаль районы башкарма комитеты җитәкчесе урынбасары Айдар Шәмсетдинов катнашты.

Бүген Татарстан Экология һәм табигый байлыклар министрлыгында, министр Артем Сидоров рәислегендә, Министрлык һәм аңа буйсынган территориаль идарәләр эшчәнлегенең законлылыгы буенча тармакара киңәшмә булып узды. Анда прокурор Олег Даминов, Казан районара табигать саклау прокуратурасы вәкилләре, Татарстан Экология һәм табигый байлыклар министрлыгының территориаль идарәләре җитәкчеләре катнашты. Киңәшмәдә юридик затларны административ җавапка тарту, әйләнә-тирәлеккә салынган зыян өчен штрафлар түләтү эшләрен көчәйтергә, әйләнә-тирәлеккә контрольне дәвам итәргә киңәш ителде.