ЯҢАЛЫКЛАР
Яр Чаллы шәһәренең "Алма" коммерциясез бакчачылык ширкәтендә урнашкан җир кишәрлегенә тоз эретмәсенең түгелүе турында гражданнардан килгән мөрәҗәгать нигезендә Татарстан Республикасы Экология һәм табигать ресурслары министрлыгының Кама буе территориаль идарәсе белгечләре тарафыннан административ эзләтү эше кузгатылды.
"Чиста биттән!" экологик рәсемнәр конкурсы кысаларында 2529 иҗади эш кабул ителде. ТР Экология һәм табигать ресурслары министрлыгы оештырган конкурс 2018 елның 10 октябреннән 10 ноябренә кадәр 1-11 сыйныф укучылары арасында барды.
Ел башыннан бирле экологлар тарафыннан гражданнардан килгән 10304 мөрәҗәгать каралды. Аларның күпчелеге – 5587 – "Мәктәп эко-патруле" телефон кушымтасы буенча. "Халык контроле" системасы буенча экологлар тарафыннан 1295 хәбәр, WhatsApp, Telegram, Eco.signal, "Кайнар телефон линиясе" элемтә каналлары аша 1270 хәбәр каралды. Гражданнарны шәхсән кабул итү барышында һәм Министрлыкның кабул итү бүлмәсе аша 2152 мөрәҗәгать алынды.
Бүген республиканың югары белем бирү йортларының гуманитар һәм социаль-икътисадый фән кафедралары мөдирләре Татарстан Республикасы Экология һәм табигать ресурслары министрлыгы эшчәнлегендәге төп юнәлешләр белән танышты. ТР Президенты Аппараты вәкилләре катнашында белем бирү йортлары вәкилләре белән очрашуны министр Александр Шадриков уздырды.
"Бәллүр компас" илкүләм премиясенә җиденче заявка кампаниясе старт алды. Катнашу өчен заявкалар география һәм экология, табигый һәм тарихи-мәдәни мирасны саклау һәм популярлаштыру өлкәсендә проектларын тормышка ашырган Россия Федерациясе һәм башка дәүләтләрнең гражданнарыннан, иҗади берлекләрдән, үзебезнең ил һәм чит ил оешмалары һәм предприятиеләреннән кабул ителә.
30 ноябрьгә кадәр экология тематикасы буенча сәхнә номерларының шәһәр фестивалендә сайлап алу туры уза. Катнашу өчен 6-18 яшьлек балалар, иҗат коллективлары да, аерым башкаручылар да чакырыла.
Табигатькә булган бурычлары өчен чит илгә чыгуны чикләү. Бөгелмә шәһәре судында Бөгелмәдә яшәүчегә карата шундый җәза чарасы билгеләнде.
Шәһәр балалар экология-биология үзәге Әйләнә тирәлекнең яшь тикшеренүчеләренең россиякүләм конкурсының шәһәр этабын игълан итә. Катаншу өчен 12-18 яшьлек балалар чакырыла.
Калдыкларны санкцияләнмәгән рәвештә урнаштыру урыны Бөгелмә шәһәренең База тыкрыгында вертолет ярдәмендә ачыкланды. Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары хокук бозучыга карата административ эзләтү эшен кузгатты. Пластик тәрәзә һәм тәрәзә конструкцияләре җитештерү белән шөгыльләнүче шәхси эшкуар территориясен карау барышында инспекторлар табигать саклау законнары бозылуның берничә очрагын ачыклады. Җитештерү калдыкларын гомуми мәйданы 25.47 кв.м. турфакка ташлау урыны билгеләнде.
Бүген Казанның Татар дәүләт "Әкият" курчак театрында "Мәктәп эко-патруле" республика конкурсында җиңүчеләрне бүләкләү тантанасы узды. 2017 елның 1 сентябреннән башлап 2018 елның 31 августына кадәр анда Татарстан Республикасының гомуми белем бирү оешмаларында тәрбияләнүче балалар катнашты.