ЯҢАЛЫКЛАР

Ел башыннан Республика иҗтимагый экологик кабул итү бүлмәсендә 8283 мөрәҗәгать теркәлгән. Бу «Мәктәп экопатруле» мобиль кушымтасында – 3768 хәбәр һәм «Халык контроле» системасы буенча килгән 1283  хәбәр. 177 мөрәҗәгать «ПОС» кире элемтә платформасында һәм 3055 Министрлыкның интернет-кабул итү системасы аша теркәлгән.

Министрлыкның тәҗрибәле хезмәткәре, 40 еллык хезмәт стажы булган эколог Андрей Васильевич Ермолаев бүген лаеклы ялга чыга. Атналык киңәшмәдә министр Александр Шадриков коллегасын намуслы хезмәте һәм сайлаган эшенә тугрылыгы өчен котлады һәм рәхмәт белдерде. 

Әлмәттә төзекләндерү программасы кысаларында, 36 йорт яны территориясен яңартканнан соң, шәһәр урамнарын 120 алма, сирень һәм спирея үсентеләре бизи. Ленин урамында агачлар һәм куаклар утыртуда халык бик теләп катнашты, уңайлы яшел почмаклар булдыруга үз көчләрен куйды. 

Тиздән бездә пластик азрак булачак. 2025 елның 1 сентябреннән Россиядә ПЭТ-төргәкләр җитештерүне чикләү үз көченә керә.

Казанда гадел глобаль үсеш һәм куркынычсызлык өчен күп яклылыкны ныгыту мәсьәләләренә багышланган XVI БРИКС саммиты тәмамланды. Фикер алышу йомгаклары буенча катнашучылар Казан декларациясен кабул иттеләр, анда элек катнашучы илләрнең профильле министрлары караган күп кенә мәсьәләләр кертелде.

«Экология» илкүләм проектына ярдәм йөзеннән «БумБатл» Бөтенроссия акциясе башлануга нәкъ бер ай вакыт узды. Бүген, Халыкара кәгазьсез бер көндә, төбәкләрдә акцияне гамәлгә ашыруга арадаш йомгаклар ясалды.

 

Бүген «Экология» илкүләм проектының «Россия суы» бөтенроссия акциясе сезоны тәмамлануга багышланган матбугат конференциясе узды. Быел бөтен Россия буенча 32 мең километрдан артык яр буе чистартылган, 20 мең эко-агарту чарасы үткәрелгән, аларда илнең 89 төбәгеннән миллионнан артык активист һәм волонтер катнашкан.

Халыкара зур мәчеләр альянсын булдыру тәкъдиме белән Һиндстан Республикасы 2023 елда Йоханнесбургта БРИКС лидерлары саммиты барышында чыгыш ясады. Мәчеләрнең аеруча зәгыйфь төрләрен саклап калуга һәм яклауга киләчәктә ярдәм итү максатларында уртак эшкә чакыруны илләр лидерлары Казандагы XVI берләшмә саммитында хуплады.

Берләшмәдә катнашучы илләр экологик юнәлештә тырышлыкларын хуплый. XVI саммит нәтиҗәләре буенча Казан декларациясендә БРИКС (BEST) экологик чиста технологияләр платформасы кысаларында «Чиста БРИКС елгалары»  инициативасы алга таба үсеш алачак, дип теркәлде. 

 

Бу якшәмбедә Казанда икенчел чимал кабул итү мобиль пункты эшләячәк. Акция 10 сәгатьтән 12 сәгатькә кадәр «УРАМ» экстрим-паркы янында узачак.