Ел башыннан Министрлыкның экокабул итү бүлмәсенә меңнән артык мөрәҗәгать кергән
Ел башыннан республика иҗтимагый экологик кабул итү бүлмәсенә 1180 мөрәҗәгать килгән, аларның 751е инде хәл ителгән.
Министрлыкның интернет-кабул итү бүлмәсе аша 582 хәбәр килгән, 302 мөрәҗәгать «Мәктәп экопатруле» кушымтасына кабул ителгән. «Халык контроле» системасында 274 мөрәҗәгать теркәлгән һәм 22се – «ПОС» кире элемтә платформасында.
Иң популяр категория булып калдыкларны рөхсәтсез урнаштыру мәсьәләсе кала – бу 532 хәбәр (шуларның 302се «Мәктәп экопатруле» кушымтасы аша кергән). Халык атмосфера һавасының сыйфатына карата – 214, суның сыйфатына карата – 158 һәм башка мәсьәләләр буенча 276 тапкыр шикаять белән мөрәҗәгать иткән.
Исегезгә төшерәбез, Татарстанда 1 апрельдән санитар-экологик икеайлык уза, ул республика Рәисе Р.Н.Миңнеханов кушуы буенча «Экологик иминлек» илкүләм проектына ярдәм йөзеннән старт алды. 1 апрельдән республика иҗтимагый экологик кабул итү бүлмәсенә 119 мөрәҗәгать керде (калдыклар өлешендә – 62, су объектларын пычратуга карата – 15, һаваны пычратуга карата – 25, башкалары өлешендә – 17). Барлык мөрәҗәгатьләрне без интернет кабул итү системасы аша кабул итәбез: https://eco.tatarstan.ru/priem.htm.