Экологлар Түбән Кама шәһәрендә һәм Түбән Кама районында 4 санкцияләнмәгән чүплек таптылар
Республикада Татарстан Рәисе Р.Н.Миңнеханов кушуы буенча бара торган чисталык икеайлыгы кысаларында Кама аръягы идарәсе инспекторлары рөхсәтсез дүрт чүплек урынын таптылар. Чүплекләр Түбән Кама шәһәрендә дә, Түбән Кама районында да ачыкланды.
Беренче чүплек Гагарин урамы, 50Б йортында 14 кв.м мәйданда табылды. Калганнары Түбән Кама шәһәреннән читтә урнашканнар. Афанас авыл җирлегендә 80 кв.м мәйданда чүп-чар урыны табылды. Олы Афанас авылында, Субай елгасының су саклау зонасында 25 км мәйданлы чүплек теркәлде. Дүртенче чүплек, мәйданы 528 км.м., Түбән Кама шәһәре чикләрендә индустриаль урамы янында табылды.
Табигатьне саклау законнарын бозуның ярамавы һәм хокук бозуларны бетерү кирәклеге турында кисәтүләр чүплекләр табылган шәһәр һәм торак пункт башкарма комитеты адресына җибәреләчәк.