ЯҢАЛЫКЛАР

Иртәгә, 7 апрельдә, 11:00дән 12: 00гә кадәр теләгән һәркем электролом калдыкларын утильләштерүгә тапшыра алачак. Электроника кабул итү Спартаковская урамы, 53 нче йорт адресы буенча узачак. 24 нче балалар бакчасы территориясендә махсус машина торачак.

Татарстан 30 һәм 31 мартта хезмәт иткән электрониканы түләүсез утильләштерү буенча акциядә актив катнашты һәм Әлмәт, Азнакай, Бөгелмә һәм Лениногорск  шәһәрләрендә офисларны экологик яктан чистарак итте. Махсус экологик комбинатка эшкәртү өчен 7 тоннадан артык электролом калдыклары тапшырылачак.

«Утильләштерү мәктәбе: электроника» проекты кысаларында Татарстан мәктәпләрендә һәм балалар бакчаларында үз вакытында хезмәт иткән техниканы утильләштерүгә бушлай тапшыру мөмкинлеге барлыкка килде.

Быелдан башлап Татарстанның муниципаль бюджет учреждениеләре «Утильләштерү мәктәбе: электроника» яңа федераль проекты кысаларында искергән техниканы бушлай утильләштерә алачак. Проект турында журналистларга ТР Экология министрлыгының экологик агарту бүлеге башлыгы Ольга Артемьева сөйләде.