Электроника тапшырабыз – табигатьне саклыйбыз
Татарстан 30 һәм 31 мартта хезмәт иткән электрониканы түләүсез утильләштерү буенча акциядә актив катнашты һәм Әлмәт, Азнакай, Бөгелмә һәм Лениногорск шәһәрләрендә офисларны экологик яктан чистарак итте. Махсус экологик комбинатка эшкәртү өчен 7 тоннадан артык электролом калдыклары тапшырылачак.
Исегезгә төшерәбез, 2022 елның 31 августында ТР Экология һәм табигать ресурслары министрлыгы һәм Табигатьтән рациональ файдалану фонды арасында экологик программаларны гамәлгә ашыруда, аерым алганда, «Утильләштерү мәктәбе: электроника» программасын гамәлгә ашыруда үзара хезмәттәшлек турында килешү төзелде. Утильләштерү табигатьтән рациональ файдалану фондының электрон һәм электр җиһазлары калдыкларын эшкәртү буенча үз куәтләрендә, шулай ук партнерлар предприятиеләрендә башкарыла.
Эшкәртелгән җиһазларны бушлай утильләштерү хокукына дәүләт һәм муниципаль хакимият органнары, бюджет учреждениеләре, шулай ук республика халкы ия.
Әлеге программада катнашу кагыйдәләрен https://eko-fond.ru/electronics/. сылтама буенча белеп була.
Чара экологик тәрбияне, кешенең әйләнә-тирә мохиткә сакчыл мөнәсәбәтен үстерүгә юнәлдерелгән «Экология» илкүләм проектының максатларына ирешүгә ярдәм итә.