ЯҢАЛЫКЛАР
Йомычка, капрон оек һәм үлән орлыкларыннан «Травянчик» дигән экологик уенчык ясаганнар. 8 номерлы «Гнездышко» балалар бакчасында «Эковесна-2021» акциясе кысаларында экологик дәрес әнә шулай креатив үткәрелгән. Чарада Министрлыкның Ык буе территориаль идарәсе хезмәткәрләре дә катнашкан.
Тормыш өчен мөһим ресурсны саклап калу өчен бүген нәрсә эшләргә кирәк? Татарстан Республикасы Экология һәм табигать ресурслары министрлыгының Кама буе территориаль идарәсе белгечләре Яр Чаллы шәһәренең 1нче мәктәп укучыларына суның кеше тормышындагы роле турында сөйләгән.
Казан федераль университетында ТР Экология һәм табигать ресурслары министрлыгының Дәүләт экологик күзәтчелек инспекциясе идарәсе башлыгы Алексей Полюшков «Җир хокукы» дисциплинасы буенча көндезге бүлекнең 4 курс студентлары белән очрашкан.
Нәрсә ул экологик тигезлек һәм ул нәрсәгә бәйле. Татарстан Республикасы Экология һәм табигать ресурслары министрлыгының Идел аръягы территориаль идарәсе белгече Гөлия Садретдинова Буа шәһәренең М.М.Вахитов исемендәге гимназия укучыларына тере организмнарның тотрыклылыгы турында сөйләгән.
Туган телләр һәм халыклар бердәмлеге елында Азнакай шәһәренең 5нче балалар бакчасында «Карга боткасы» татар халык йоласы үткәрелгән. Чарада балалар ярышлар оештырган, үзләренең осталыкларын һәм талантларын күрсәткәннәр, кошлар турында шигырьләр сөйләп, милли җырлар һәм биюләр башкарганнар, әйлән-бәйлән уйнаганнар.
«Эковесна2021» республика акциясе старт алган көнне ТР Экология һәм табигать ресурслары министрлыгы хезмәткәрләре, «Татармультфильм» иҗат берләшмәсе һәм Рус география җәмгыятенең Татарстандагы бүлекчәсе вәкилләре белән берлектә, Казан шәһәренең 4 нче гимназиясендә 1 нче сыйныф укучылары янында кунакта булдылар.