ЯҢАЛЫКЛАР
Татарстан Экология һәм табигать ресурслары министрлыгында традицион Яңа ел алды очрашуы узды, анда республиканың эре экология оешмалары вәкилләре узып баручы елга йомгак ясадылар һәм киләчәккә планнар турында фикер алыштылар. Чарада «Чиста булачак» яшьләр экология хәрәкәте, Татарстан Республикасында Рус география җәмгыяте һәм Яшь натуралистлар хәрәкәте активистлары катнашты.
Җыелышта Татарстан Республикасы Экология һәм табигать ресурслары министрлыгының Минерал-чимал һәм су ресурслары идарәсе башлыгы Наил Назаров катнашты.
Рус география җәмгыятенең Татарстан бүлеге эше һәм казанышлары турында аның рәисе Дмитрий Августович Шиллер сөйләде.
19 октябрьдә Мәскәүдә Рус география җәмгыяте премиясен тапшыру тантанасы булып узды. Татарстаннан А.А. Леонов исемедәге су асты фәнни-тикшеренү отряды «Иң яхшы яшьләр проекты» номинациясендә җиңүче дип табылды. Бәйгедә «Алексей Леонов исемендәге су асты әзерлеге үзәге» проекты тәкъдим ителде. Авторларга, ягъни Дмитрий Шиллер һәм Сергей Салеевка бүләкне режиссер Федор Бондарчук тапшырды.
«Федераль дәүләт белем бирү стандартларын гамәлгә ашыру шартларында география укытучысының осталыгын арттыру» - шундый исем белән Рус география җәмгыятенең Татарстан Республикасындагы төбәк бүлеге һәм КФУның География һәм экологик белем бирү теориясе һәм методикасы кафедрасы география укытучыларының республика семинары үткәрелде.
Республика конкурсларын Татарстан Республикасы Экология һәм табигать ресурслары министрлыгы ярдәмендә Рус география җәмгыятенең Татарстан Республикасындагы бүлеге оештыра.