ЯҢАЛЫКЛАР
Татарстанның экология министры, ТР төзелеш, архитектура һәм торак-коммуналь хуҗалыгы министры Марат Айзатуллин белән бергә, эшлекле сәфәр кылды. Ведомство башлыклары Прости авылы янындагы рекультивацияләнә торган чүплектә барган эшләрне бәяләде һәм яңартылган Кызыл Чишмә дамбасында булдылар.
Кама елгасының сул як ярында койма дамбасын реконструкцияләү эшләре тулы күләмдә финансланган.
Бүгенге көндә авыш өлешен формалаштыру, дренаж призмасы өю, баш өлешендәге борысын урнаштыру эшләре башкарыла. Исегезгә төшерәбез, Кама елгасының сул як ярында койма дамбасын реконструкцияләү ТР Президенты Рөстәм Миңнеханов йөкләмәсе буенча республика бюджеты акчалары хисабына башкарыла башлаган иде. Гамәлгә ашыру – 2020-21 еллар.
«70 еллар азагы – 80 еллар башында Камадагы су дәрәҗәсе бик югары күтәрелгәч, без көймәләрдә йөри идек», – дип искә ала Түбән Кама дамбасы янындагы дача участоклары хуҗаларының берсе Глеб Гафуров. Тиздән дамба тузуы аркасында суның тискәре йогынтысы турында Пробуждение, Ильинка, Дмитриевка торак пунктларында яшәүчеләр һәм бакчачылар онытачак.
2020-2021 елларда Кама елгасының сул як ярындагы койма дамбасын (Красный Ключ) үзгәртеп корачаклар, ә Имәнкискә елгасының яры ныгытылачак. Объектлар «2012-2020 елларда Россия Федерациясенең су хуҗалыгы комплексын үстерү» федераль максатчан программасы кысаларында тормышка ашырыла, әзерлек эшләре бара инде.
Кама елгасының сул як ярындагы дамбаны төзекләндерү-яңарту эше инде киләсе елда ук башланып китәчәк. Эшләрнең беренче этабы, ике еллык контракт кысаларында, 66,6 миллион сум күләмендә республика бюджеты средстволары хисабына хәл ителәчәк.