ЯҢАЛЫКЛАР

15 ноябрьгә кадәр «Экология» илкүләм проектына ярдәм йөзеннән «ЭКОлидер» республика конкурсында катнашырга өлгерегез. 

Татарстан Экология һәм табигать ресурслары министрлыгы «Экология» илкүләм проектына ярдәм йөзеннән «ЭКОлидер» республика конкурсына гаризалар кабул итә башлавы турында игълан итә. Катнашуга әйләнә-тирә мохит проблемаларына битараф булмаган предприятиеләр, уку йортлары, иҗтимагый оешмалар һәм, әлбәттә, журналистлар чакырыла. Әгәр сез экологиягә ярдәм итәргә җыенасыз яки инде ничектер булышкансыз икән, безгә сөйләгез Һәм елның ЭКОлидеры булыгыз!

Традицион «ЭКОлидер» конкурсы 2004 елдан бирле үткәрелә. Аның төп максаты-экология һәм әйләнә-тирә мохитне саклау мәсьәләләренә игътибарны җәлеп итү. Быел конкурска 326 гариза килгән. Иң күп гаризалар - «Мәктәпкәчә белем бирү оешмаларында экологик белем бирү» номинациясендә - 66 балалар бакчасы быел конкурста катнашкан.

 

«Россия суы» бөтенроссия акциясендә җиңүче Дипломын бүген Су ресурслары федераль агентлыгы җитәкчесе киңәшчесе Илья Разбаш Татарстан Республикасы  Экология һәм табигать ресурслары министры Александр Шадриковка «ЭКОлидер» тантанасы вакытында тапшырды.

Иң экологик предприятие, иҗтимагый хәрәкәт, массакүләм мәгълүмат чаралары, уку йорты һәм иң яхшы дәүләт инспекторы - барлыгы 326 катнашучы һәм 1 абсолют җиңүче.

Татарстан Республикасы Экология һәм табигать ресурслары министрлыгы “ЭКОлидер” республика бәйгесендә катнашуга гаризалар кабул итә. Конкурста катнашуга табигатьне саклауны үзләренең төп бурычларыннан берсе итеп санаучы иң экологик предприятиеләр, уку йортлары, әйләнә-тирә мохит проблемаларына битараф кала алмаган җәмәгатьчелек вәкилләре һәм, әлбәттә инде, ел дәвамында Татарстан Республикасы Экология һәм табигать ресурслары министрлыгы инспекторларының чын ярдәмчеләре булып торган журналистлар чакырыла.