Казанда «Эколидер-2025» конкурсы финалистларын бүләкләделәр
Бүген Казанда «Пирамида» мәдәни-күңел ачу комплексында «Эколидер-2025» республика конкурсы финалистларын бүләкләделәр. Конкурс Татарстан Рәисе Рөстәм Нургали улы Миңнеханов кушуы буенча 2004 елдан бирле үткәрелә. Анда әйләнә-тирә мохит проблемаларына битараф булмаган татарстанлылар һәм журналистлар предприятиеләр, уку йортлары, иҗтимагый оешмалар катнаша.
Быел конкурска 230 дан артык эш керде. ТР экология министры Александр Шадриков барлык катнашучыларга актив гражданлык позицияләре һәм экология мәсьәләләренә битараф булмаганнары өчен рәхмәт белдерде һәм Россия табигать ресурслары һәм экология министры Александр Козловтан рәхмәт сүзләрен җиткерде. «Бүген без елның эколидерларын сайлап кына калмыйбыз, нәтиҗәләр ясыйбыз һәм уртак нәтиҗәле эшчәнлегебез өчен барлык халкыбызга олы рәхмәтебезне җиткерәбез, - дип мөрәҗәгать итте конкурста катнашучыларга табигатьне саклау ведомствосы башлыгы. Сезнең белән бергә генә без бу дөньяны чистарта, республикабызның экологик иминлеген яхшырта алабыз. Сезнең белән бергә эшләгән эшебез өчен барыгызга да рәхмәт».
Александр Шадриков билгеләп үткәнчә, менә инде бишенче ел рәттән республика «Экологик иминлек» илкүләм проекты кысаларында «Россия суы» бөтенроссия акциясендә җиңүче була.
Конкурста 20 номинациядә җиңүчеләр ачыкланды: иҗтимагый хәрәкәтләр, предприятиеләр, мәктәпләр, мәктәпкәчә учреждениеләр, инспекторлар, журналистлар.
«Иҗтимагый берләшмәләр һәм гражданнар» номинациясендә җиңүчеләрне бүләкләп, ТР урман хуҗалыгы министры Равил Кузюров: «Без барыбыз да уңайлы, экологик чиста мохиттә яшәргә телибез. Конкурсның максаты – экология проблемаларына күбрәк кешене җәлеп итү».
Әйләнә-тирә мохитне саклау өлкәсендә иң яхшы дәүләт инспекторларын МХО герое һәм «Батырлар» программасы катнашучысы Игорь Егоров бүләкләде. Ул җиңүчеләрне котлады һәм Михаил Пришвинның: «Табигатьне саклаучы, үз Ватанын саклаучы», - дигән сүзләрен җиткерде. МХО алдынгы сызыгында булган безнең егетләр үзләренең Россия дип аталган Бөек Ватанын саклыйлар. Алар үзләренең кече ватанын, туган һәм үскән җирләрен дә саклыйлар. Миңа бүген иң яхшы дәүләт инспекторларын бүләкләү аеруча күңелле һәм дулкынландыргыч, чөнки бу кешеләр әйләнә-тирә мохит өчен, кече Ватаннары өчен бик күп эшлиләр».
«Бу конкурс – әйләнә-тирә мохиткә мөнәсәбәтегез өчен сезгә рәхмәт сүзләре әйтү мөмкинлеге, чөнки безнең һәрберебезнең сәламәтлеге шуңа бәйле. Сәламәтлек 50% кешенең яшәү рәвешенә, 20% – нәселдәнлеккә, 10% – сәламәтлек саклау торышына һәм 20% – әйләнә-тирә мохиткә бәйле», - диде «Оешмалар һәм шәхси эшкуарлар» номинациясендә җиңүчеләрне бүләкләп, Татарстан Республикасы буенча Роспотребнадзор идарәсе җитәкчесе Марина Патяшина.
Эколидер-журналистларга бүләкләрне Россия экология җәмгыятенең Татарстан бүлеге җитәкчесе Азат Җиһаншин тапшырды. Ул соңгы 8 елда табигатьне саклау өлкәсендә гаять зур эш башкарылуын билгеләп үтте һәм Экология министрлыгы командасына рәхмәт белдерде.
«1998 ел белән чагыштырганда, республиканың тулай төбәк продукты 3 тапкырдан артыкка үсте, шул ук вакытта атмосфера һавасына тискәре йогынты 25,6% ка диярлек кимеде, ә суга ташлаулар 68% ка диярлек кимеде. Мондый хезмәтегез өчен рәхмәт, бу безнең халыкның һәм тулаем республиканың иминлеге!»
«ЭКОлидер-2025» республика конкурсының абсолют җиңүчесе «Татнефть» булды. Җиңүчегә кубокны экология министры Александр Шадриков тапшырды.
Исегезгә төшерәбез, «Эколидер» республика конкурсы «Экологик иминлек» илкүләм проектына ярдәм йөзеннән үткәрелә. Аның төп максаты – җәмәгатьчелекнең игътибарын экологик куркынычсызлык проблемаларына җәлеп итү, шулай ук табигатьне саклау эшчәнлеген хуплау.
Конкурс йомгаклары буенча җиңүчеләр:
«Оешмалар һәм шәхси эшкуарлар» конкурс төркемендә «Су ресурсларын саклау» номинациясендә: В.Д.Шашин исемендәге «Татнефть» ГАҖ;
«Атмосфера һавасын саклау» номинациясендә: В.Д.Шашин исемендәге «Татнефть» ГАҖ;
«Калдыклар белән нәтиҗәле эш итү» номинациясендә «Татспецнефтехимремстрой» ҖЧҖ;
«Экологик куркынычсызлык өлкәсендә иң яхшы проект» номинациясендә: В.Д.Шашин исемендәге «Татнефть» ГАҖ һәм «ТАИФ-НК» АҖ;
«Татарстан Республикасы муниципаль берәмлекләре территориясендә әйләнә-тирә мохитне саклау өлкәсендәге казанышлар өчен» номинациясендә «Җирле үзидарә органнары» конкурс төркемендә: Татарстан Республикасы «Әлмәт шәһәре» муниципаль берәмлеге башкарма комитеты;
«Татарстан Республикасы авыл җирлекләре территориясендә әйләнә-тирә мохитне саклау өлкәсендәге казанышлар өчен» номинациясендә: Татарстан Республикасы Яңа Чишмә районы Черемухово авыл җирлеге башкарма комитеты;
«Экологик белем» конкурс төркемендә «Мәктәпкәчә белем бирү оешмаларында экологик белем» номинациясендә: Татарстан Республикасы Бөгелмә районының 11 нче гомуми үстерү төрендәге «Искорка» балалар бакчасы;
«Гомуми белем бирү оешмаларында экологик белем» номинациясендә: Татарстан Республикасы Әгерҗе муниципаль районының «Кичкетаң урта гомуми белем бирү мәктәбе» МБМУ;
«Югары белем бирү мәгариф оешмаларында һәм өстәмә белем бирү оешмаларында экологик белем бирү» номинациясендә: Чаллы шәһәренең «4 нче балалар экология-биология үзәге» мәгариф учреждениесе;
«Педагогик тәҗрибә һәм инициативалар» конкурс төркемендә «Мәктәпкәчә мәгариф оешмаларында системалы экологик агарту эше өчен» номинациясендә: Виктория Бурашникова – Татарстан Республикасы Бөгелмә районының «Ләйсән» 4 нче катнаш төрдәге балалар бакчасы тәрбиячесе;
«Гомуми белем бирү оешмаларында системалы экологик агарту эше өчен» номинациясендә: Ирина Маринина - Татарстан Республикасы Нурлат шәһәренең 9нчы урта гомуми белем мәктәбе география укытучысы;
«Югары белем бирү оешмаларында һәм өстәмә белем бирү оешмаларында системалы экологик агарту эше өчен» номинациясендә: Екатерина Юртаева – Е.Н. Королёв исемендәге ФКП укыту-методика эше буенча директор урынбасары;
«Иҗтимагый берләшмәләр һәм гражданнар» конкурс төркемендә «Иҗтимагый берләшмәләр» номинациясендә: «Татарстан Республикасы Буа районы» форпосты» җәмәгать тәртибен саклау буенча яшьләр (студентлар) формированиеләре үзәге;
«Гражданнар» номинациясендә: Язгөл Фәхриева, Казан шәһәре;
«Иң яхшы телесюжет» номинациясендә «Массакүләм мәгълүмат чаралары» конкурс төркемендә:
«Республика ММЧ» төркемчәсе: Вадим Сунцов - «Татарстан» ДТРК Бөтенроссия дәүләт телерадиокомпаниясе ФДУП;
«Темага тугрылык өчен» махсус призы: Алмаз Хәкимов – Бөтенроссия дәүләт телерадиокомпаниясе ФДУП;
«Иң яхшы радиосюжет» номинациясендә: Гөлнара Шаһабиева - ТЯГ-Болгар радиосы;
«Иң яхшы электрон массакүләм мәгълүмат чаралары материалы» номинациясендә:
«Республика ММЧ» төркемчәсе: Людмила Губаева - «Реальное время» интернет-басмасы;
«Шәһәрләр һәм районнар» төркемчәсе: Chelny-biz.ru эшкуарлар порталы;
«Вакытлы матбугат басмаларында иң яхшы мәкалә» номинациясендә:
«Республика ММЧ» төркемчәсе: Гөлгенә Гыйльманова - «Ватаным Татарстан» газетасы;
«Шәһәр һәм район» төркемчәсе: Фәнил Нигъмәтҗанов – «Татмедиа» АҖ филиалы «Теләче информ» мәгълүмат үзәге;
«Иң яхшы видеограф/экоблогер» номинациясендә: Максим Богодвид «Россия сегодня» МИА;
«Татарстан Республикасының иң яхшы дәүләт инспекторы» конкурс төркемендә: Татарстан Республикасы Экология һәм табигать ресурслары министрлыгының Ык буе идарәсенең 2 разрядлы өлкән белгече Алия Йосыпова, Татарстан Республикасы Урман хуҗалыгы министрлыгының «Алабуга урманчылыгы» Татарстан Республикасы дәүләт казна учреждениесе җитәкче-урманчысы урынбасары Евгения Клеткина, Татарстан Республикасы Министрлар Кабинеты Баш ветеринария идарәсенең Алексеевск территориаль ветеринария куркынычсызлыгы һәм дәүләт күзәтчелеге бүлеге консультанты Ольга Алексеева, Росприроднадзорның Идел-Кама төбәкара идарәсенең Татарстан Республикасы буенча дәүләт контроле (күзәтчелеге) бүлеге башлыгы урынбасары Айсылу Сәгыйтова, Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы буенча Түбән Кама районындагы территориаль идарәсе башлыгы Рөстәм Изиятуллин, Татарстан Республикасы Биологик ресурслар буенча дәүләт комитетының дәүләт күзәтчелеге бүлегенең баш белгеч-эксперты Илсур Измайлов һәм Ветеринария һәм фитосанитария күзәтчелеге буенча федераль хезмәтнең Татарстан Республикасы буенча идарәсенең җир күзәтчелеге бүлеге дәүләт инспекторы Татьяна Кәшапова.
Призерларның тулы исемлеге ТР Экология министрлыгы сайтында бастырылачак: https://eco.tatarstan.ru/2025-8618269.htm