ЯҢАЛЫКЛАР

Татарстан Экология һәм табигый байлыклар министрлыгы республика яшьләренең 4нче ачык “Саф караш” социаль экологик реклама конкурсы башлану турында белдерә.

Конкурс халыкны әйләнә-тирәлекне саклау мәсьәләләрен чишүгә җәлеп итү, яшьләргә экология өлкәсендәге теге я бу проблемага үз карашын белдерү мөмкинлеге бирү максатында үткәрелә. Конкурс эшләрендә Россия Федерациясенең атмосфера һавасын, су һәм җир хәзинәләрен саклау, җитештерү һәм куллану калдыклары белән эш итү буенча иң көнүзәк экологик проблемаларны чишү идеяләрен, шулай ук яшь буынга экологик белем һәм тәрбия бирү мәсьәләләрен чагылдырырга кирәк.

Конкурста 35 яшькә кадәрге Россия Федерациясе гражданнары (аерым авторлар һәм авторлык коллективлары) катнаша ала.

Мәскәүдәге Германия илчелеге каршындагы Гёте исемендәге немец мәдәният үзәге, Россия Федерациясе Мәгариф һәм фән министрлыгы ярдәмендә, Германия һәм Россия фәнни-тикшеренү институтлары белән хезмәттәшлектә, “Мәктәп экология яклы: уйла, тикшер, эш кыл!” бөтенроссия конкурсын игълан итте. Анда 7-11 класс укучылары командалары, шулай ук аларның немец теле укытучылары, биология, география, химия, физика һәм экология укытучылары катнаша ала. Укучылар үз шәһәрләрендәге (бистәләрендәге), үз урамнарындагы, мәктәпләрендәге экологик хәлне тикшерү турында (мәсәлән су, һава, туфрак сыйфаты, энергия куллану, үсемлекләр һәм хайваннар дөньясы, калдыклар, саулык саклау һәм туклану турында) немец телендә язылган проект тапшырырга тиеш.

Катнашу һәм проект тапшыру түбәндәге критерийларга ярашырга тиеш:

·            – экологик проблеманың укучылар һәм аларның шәһәре (бистәсе), мәктәбе өчен актуаль һәм әһәмиятле булуы;

Массакүләм хәбәр чаралары арасында Россия Федерациясенең су хуҗалыгы комплексын заманчалаштыруга һәм үстерүгә юнәлтелгән дәүләт башлангычларын яктыртуның иң яхшы тәҗрибәләрен стимуллау, җыю һәм тарату максатларында “Россия Федерациясенең су хуҗалыгы комплексын 2012-2020 елларда үстерү” федераль максатчан программасы кысаларында тормышка ашырылучы “Россия суы – 2015” бөтенроссия конкурсы игълан ителде.

Конкурс “Су хуҗалыгы комплексын үстерүнең информацион-аналитик үзәге” ФДБО башлангычы белән үткәрелә.

Конкурсның максатлары: журналистлар, хакимият органнары, киң җәмәгатьчелек игътибарын илнең су хуҗалыгы комплексын үстерү, ил гражданнары арасында су ресурсларына ихтирам формалаштыру, су хуҗалыгы комплексын үстерү темасын яктыртучы журналистлар һәм хәбәр чаралары белән элемтәләргә булышу проблемаларына юнәлтү, журналистларны һәм хәбәр чараларын бу тармакның казанышларын һәм проблемаларын тирән һәм күпьяклы яктыртуга җәлеп итү, журналистлар иҗатының иң яхшы үрнәкләрен туплау һәм популярлаштыру.

Бүген Татарстан Экология һәм табигый байлыклар министрлыгының Үзәк махсус аналитик контроль инспекциясе белгечләре Туполев исемендәге милли тикшеренү техник университетының (КАИ) гомуми химия һәм экология кафедрасының өченче курс студентларын әйләнә-тирәлеккә антропоген йогынты чыганакларын аналитик җиһазлар ярдәмендә күзәтү системасы белән таныштырды.

Студентлар индустриаль калдыклар һәм атмосфера һавасы анализы, су һәм туфрак анализы, физик-химик анализ алымнары, биологик контроль, оператив контроль бүлекләрендә булдылар, бүлек җитәкчеләре аларга үз эшчәнлекләре турында сөйләде, заманча стандартларга ярашлы эш 

Татарстан Экология һәм табигый байлыклар министрлыгында коррупциянең торышы турында халык фикерен белешү дәвам итә. Анкетасын http://eco.tatarstan.ru/rus/info.php?id=618907 юнәлтмәсе буенча “Коррупциягә каршылык – халык фикерен белешү, анкеталау” бүлегендә тутырырга мөмкин.

Бу тикшеренү Министрлыкның эшчәнлек нәтиҗәлелеген күтәрергә, шулай ук Министрлыкның вазифалы затлары арасында коррупция күренешләренә юл куймау өчен оператив чаралар күрергә мөмкинлек бирә.

12 июньдә балыкчыларның һөнәре бәйрәме билгеләп үтелә. Бу көн үз һөнәре балыкчылык белән бәйлеләрне генә түгел, балык тотарга яратучыларны һәм аларның гаиләләрен, балык тотуны спорт, хобби, аерым бер рухи халәт, табигатькә кушылу дип танучыларны да берләштерә. Төрле яшьтәге, төрле һөнәрле кешеләрне, хәттә үз беркайчан кулына кармак алып карамаган кешеләрне дә туганлаштыра.

Татарстан – Идел буе федераль округының иң күп сулы төбәкләреннән берсе, аның территориясендә бик зур Куйбышев, Түбән Кама, Зәй, Карабаш сусаклагычлары, 4 меңләп кече һәм урта елга, 8 меңләп күл бар. Республикабызның кулланыш базарын сыйфатлы балык продуктлары белән туендыруга һәм биологик су ресурсларын нәтиҗәле куллануга безне табигать үзе этәрә. Һөнәри осталык һәм тәҗрибәләрегез сезгә Татарстанның балык хуҗалыгын алга таба үстерергә, илебезнең иң яхшы балыкчылык традицияләрен сакларга булышсын.

Бүген Чаллыда, “Челныводоканал” ҖЧҖ су чистарту станциясендә түбән концентрацияле гипохлорит җитештерүне ачу тантанасы булып узды. Чарада шәһәр хакимияте вәкилләре, Татарстан Экология һәм табигый байлыклар министрлыгының Кама буе территориаль идарәсе башлыгы Наил Гарипов, индустрия предприятиеләре, Казан, Санкт-Петербург, Әлмәт, Ижау, Уфа су каналлары белгечләре катнашты.

Проектның максаты: эчә торган суны зарарсызлауның куркынычсызрак һәм нәтиҗәлерәк алымнарын иңдерү, су зарарсызлау системасын сыек хлордан натрий гипохлоритына күчерү. 

2015 елның 8 июлендә Түбән Кама халкы Кама елгасы ярларын (причалдан көймә станциясенә кадәр) чистарту буенча ирекле акция үткәрде. Ике сәгать эчендә ял итүчеләр калдырган 80 капчыктан артык чүп-чар җыелды. Мондый акцияләр шәһәрдә 2014 елдан бирле оештырыла. Татарстан Экология һәм табигый байлыклар министрлыгының Кама аръягы территориаль идарәсе ярдәмендә сулык ярларын чистарту акцияләре Кама аръягы төбәгенең бүтән шәһәрләрендә дә үткәреләчәк.

2015 елның 9 июлендә 15.30да, “Рамада” кунакханәсенең конференцияләр залында (Казан ш. Чернышевский ур. 39 й.) Татарстан эшмәкәрләре Татарстан экология һәм табигый байлыклар министры Артем Сидоров белән очраша. Чара “Бизнес һәм хакимият: ачыктан-ачык сөйләшү” проекты кысаларында үткәрелә. Очрашуның оештыручысы һәм модераторы – Татарстан Президентының Эшмәкәрләр хокукларын яклау буенча вәкаләтле вәкиле Тимур Ногманов.