“Россия суы” III Бөтенроссия экологик квесты 2019 елның 30 июненә кадәр дәвам итә. Чара илебез уку йортларында суны сакчыл тоту һәм суның аянычлы эзен киметү технологияләрен тормышка ашыру өчен вузларның студентлар командаларын берләштерә, дип хәбәр ителә Россия Табигать ресурслары һәм экология министрлыгының рәсми сайтында.

Табигать һәрвакыт үзенең сафлыгы һәм күркәмлеге белән үзенә җәлеп итә, ә инде аның белән аралашу безне әйләнә-тирә мохиткә карата игътибарлырак булырга өйрәтә. Азнакай районында “Күгәрченнәр белән кызык һәм мавыктыргыч аралашу” проекты кысаларында сәламәтлек мөмкинлекләре чикләнгән балалар өчен Азнакай интернат-мәктәбендә һәм шундый ук балалар өчен Актүбә интернат-мәктәбендә тәрбияләнүчеләргә чираттагы дәрес үткәрелде. Әлеге проектның Президент грантлары фонды ярдәме белән тормышка ашырылып килүен искәртеп үтәргә кирәк.

4 112 проба алынган, 20 733 анализ үткәрелгән. Аппарат киңәшмәсе кысаларында Министрлыкның Үзәк махсус аналитик контрольлек инспекциясе башлыгы Хадичә Сафиуллина әйләнә-тирә мохит объектларыннан алынган пробаларны тикшерүләр турында сөйләде.

2019 елның 22 мартына кадәр “Яшел дөнья - 2019” социаль-экологик рекламасының II  төбәк бәйгесендә катнашуга заявкалар кабул ителә. Чара “Чүп. Бүтән. Юк. Чаллы” экологик хәрәкәте тәкъдиме белән, Чаллы шәһәре башкарма комитетының Мәгариф һәм яшьләр эшләре идарәсе, ТР Экология һәм табигать ресурслары министрлыгының Кама буе территориаль идарәсе, шәһәрнең Балалар һәм яшьләр иҗтимагый оешмалары үзәге ярдәме нигезендә үткәрелә. 

Табигатьне саклау законнарын бозуның шаһитына әйләнгән тәкъдирдә, бу хакта  Республика иҗтимагый экологик кабул итү бүлмәсенә шалтыратырга мөмкин булуын беләсезме икән? Моның өчен элемтә каналлары да булдырылган.

Татнефть Эколидер статусын тагын бер кат раслады. Әлеге предприятие катнашында Экология һәм табигать ресурслары министрлыгында чүплек газын утильләштерү һәм Дала Зәе елгасын савыктыру мәсьәләләре каралды

ТР Экология һәм табигать ресурслары министрлыгының Кама буе территориаль идарәсе белгечләре Чаллы шәһәре 76нчы гимназиясендә укучылар белән әңгәмәсендә әйләнә-тирә мохитне бәяләү системасында экоаналитик контрольлекнең әһәмияте турында сөйләде. Махсус аналитик контрольлек инспекциясе белгечләре укучыларны судан, һава һәм туфрактан пробалар алу һәм аларга анализ ясау процессы белән таныштыру максатыннан экскурсия уздырды.

Бүген Татарстанда “Экологик белемнәр ае” старт алды. Чараны “Чиста булачак” яшьләр экологик хәрәкәте оештырды. Проектның әһәмияте республикабызның әйләнә-тирә мохите өчен көн кадагына суга торган күп кенә мәсьәләләргә бәйле.

Үсеп килүче буында экологиягә карата сакчыл караш тәрбияләү – зурларның иң мөһим бурычларыннан берсе. Экологик чаралар укучыларга табигатьнең иң якын дуслары булуга, үзләренең белемнәрен һәм көчләрен хайваннар, үсемлекләр турында кайгыртуга юнәлдерүгә ярдәм итә.

В.И.Вернадский исемендәге Хөкүмәтнеке булмаган экология фонды, “Гринлайт” Халыкара экологик җәмгыяте оешмасы һәм “ГРИНЛАЙФ” Төбәкара экологик иҗтимагый оешмасы, Россия Федерациясендә яшәүчеләрнең экологик культурасын булдыру һәм үстерү өлкәсендә тормышта кулланып була торган проектларны һәм идеяләрне ачыклау максатыннан, “Экологик культура. Тынычлык һәм татулык” Халыкара проектында катнашуга гаризалар кабул итә.

Проектның максаты – түбәндәге максатлар юнәлешендә тормышка ашырылган проектларны ачыклау һәм популярлаштыру:

- төрле максатчан төркемнәргә мәгълүмат бирү, белем бирү һәм агарту юлы белән экологик культураны һәм экологиягә карашны үстерү;

- әйләнә-тирә мохитнең сыйфатын яхшырту аша халыкның сәламәтлеген тергезү һәм ныгыту;

- әйләнә-тирә мохитне саклау өлкәсендә инновацион технологияләрне эшләп гамәлгә кертү.