ЯҢАЛЫКЛАР

“Здравушка” Казан тернәкләндерү үзәгендә мөмкинлеге чикләнгән балалар һәм үсмерләр өчен экологик агарту чарасы үткәрелде. Бу бәйрәм ел саен 15 апрельдән 5 июньгәчә уза торган бөтенроссия экологик куркынычтан саклану көннәре кысаларында оештырылган иде. Оештыручысы – Татарстан Экология һәм табигый байлыклар министрлыгы. Министрлыкның башкаручы киңәшчесе Елена Гыйльмеҗанова балалар өчен мавыктыргыч конкурслар һәм викториналар үткәрде. Чара бергәләп виноград утырту белән тәмамланды.

Бүген Татарстан Министрлар Кабинетында Татарстанда экологик куркынычсызлык, табигатьтән файдалану һәм санитар-эпидемиологик иминлек буенча тармак-ара комиссия утырышы булып узды. Территорияләрнең чистарту буенча санитар-экологик икеайлык үткәрүнең арадаш йомгаклары турында доклад белән Татарстан Экология һәм табигый байлыклар министры Артем Сидоров чыгыш ясады. Аерым алганда, ул шуларны белдерде: күзәтчелек ораннары республика буенча 2252 бозу очрагын ачыклаган, нәтиҗәдә 1663 беркетмә төзелгән, шуның 48е юридик затларга, 425е вазифалы затларга, 1190ы физик затларга карата; 29 материал прокуратурага тапшырылган; 8 миллион сумнан артык суммага штрафлар салынган. 26 апрельдә республиканың барлык муниципаль районнарында шимбә өмәсе үткәрелә. Күзәтчелек органнары алдына үз вәкаләтләре кысаларында бозуларны ачыклау һәм кисәтү эшен көчәйтү, 25 апрельдә тимер юл полосасы буйларының һәм якын-тирә территорияләрнең торышын комиссия белән тикшерү; су объектларының сулык саклау зоналарын тикшерүне оештыру, бакча-дача ширкәтләре территорияләрен тикшерә башлау бурычы куелган.

26 апрельдә Татарстан Экология һәм табигый байлыклар министрлыгы, иҗтимагый экологик берләшмәләр активистлары, институтлар һәм Казан халкы белән берлектә, “Агач утырту көне” республика акциясен һәм шимбә өмәләрен оештыра.

Бүген Татарстан Экология һәм табигый байлыклар министрлыгында, Татарстан буенча Россия ГтХМ баш идарәсенең күзәтчелек эшләре идарәсе башлыгы урынбасары Ирек Шириязданов контроле астында, Министрлык персоналын эвакуацияләү буенча күнекмә үткәрелде. Министрлык бинасының беренче катында коридорда янгын чыганагы имитацияләнде. Эвакуация 4 минут 53 секундта үткәрелде. Күнекмәнең максат һәм бурычларына ирешелде. Тулаем, Ирек Шириязданов Татарстан Экология һәм табигый байлыклар министрлыгы хезмәткәрләренең янгын һәм башка гадәттән тыш хәлләрдә эш итәргә әзерлеген уңай бәяләде.

Татарстан Экология һәм табигый байлыклар министрлыгында шундый аукционнар үткәрелде:
– Татарстанның Азнакай муниципаль районындагы “Тымытык 1” яткылыгыннан ком-вакташ токымнарын эзләү һәм чыгару максатында файдалану хокукына;
– Татарстанның Чирмешән муниципаль районындагы “Бәркәтә” җир асты байлыклары кишәрлегеннән бурташларны геологик өйрәнү, эзләү һәм чыгару максатында файдалану хокукына;

2014 елның 22 апрелендә Казан үзәгендә Татарстанның алтынчы Игелек маршы уздырылды. Быел маршны Татарстан Экология һәм табигый байлыклар министрлыгы, Татарстан Яшьләр, спорт һәм туризм эшләре министрлыгы, Татарстан Дәүләт Советы каршындагы Яшьләр иҗтимагый палатасы, Татарстан буенча Россия дәүләти наркологик контроль идарәсе ярдәмендә Татарстан Иреклеләр хәрәкәтен үстерү үзәге оештырды.
Чараның максаты – киң җәмәгатьчелек игътибарын иреклеләр хәрәкәтенә юнәлтү, яшьләрне төрле проектларга җәлеп итү.

Татарстан Экология һәм табигый байлыклар министрлыгының Кама буе территориаль идарәсе инспекторлары Кама елгасында киң таралган файдалы казылмаларны законсыз чыгару фактын ачыклау буенча чаралар үткәрде. 14 апрельдән башлап Кама елгасының суднолар йөрешле 640,4-1644 км интервалында уң якта урнашкан Сидоровка кишәрлегендә су төбеннән ком-вакташ токымнары рөхсәтсез чыгарылган. Бу эш ПК 19 йөзмә краны белән РТ 361 һәм “Окский 32” баржаларына төяп, аннары Чаллының “Транслайн” җаваплылыгы чикләнгән җәмгыяте участогына озатып башкарылган. Киң таралган файдалы казылма чыгаруның күләме – 2654 тонна.

Бүген Татарстанда Бөтендөнья Җир көненә багышланган чара уздырылды. Министрлык тарафыннан җәмәгатьчелек һәм уку йортлары вәкилләре белән очрашулар оештырылды. Министрлык башлангычы һәм Казан Зооботаника бакчасы ярдәме белән Казан шәһәренең 78нче мәктәбе территориясендә экологик сукмак салу акциясе үткәрелде. Бу мәктәп очраклы сайланмады, анда сәламәт балалар да, мөмкинлекләре чикләнгән балалар да укытыла. Бүген министрлык һәм Казан Зооботаника бакчасы хезмәткәрләре өлкән класс укучылары өчен үсемлекләр утырту һәм тәрбияләү буенча мастер-класс үткәрделәр. Экологик сукмакка беренче булып маньчжур чикләвеге, гиннал чаганы, сирень, спирея, балан һәм миләш утыртылды.

Бүген Татарстан Экология һәм табигый байлыклар министрлыгына Казанның Карбышев урамындагы сулыкта балыклар үлү турында хәбәр керде. Әлеге буа табигый су объекты түгел, ә шәһәр халкы ял итә торган скверның бер өлеше булган гидротехник корылма булып чыкты. Шул урында Үзәк территориаль идарә инспекторлары тарафыннан үле балыклар һәм сулык территориясенең чүпләнгән булуы ачыкланды. Балыклар үлүнең сәбәпләрен билгеләү максатыннан Министрлыкның Үзәк аналитик контроль инспекциясе су пробалары алды. Инспекциянең күчмә лабораториясе кислород микъдарына экстрен анализ ясап, аның нормада булуын билгеләде. Тулырак анализлар 7-10 көн эчендә билгеле булачак.

15 апрельдән башлап Татарстан Экология һәм табигый байлыклар министрлыгының Кама аръягы территориаль идарәсе инспекторлары Кама елгасында киң таралган файдалы казылмаларны законсыз чыгару фактларын ачыклау чаралары үткәрделәр. 2014 елның 18 апрелендә алар, Татарстан буенча Эчке Эшләр министрлыгының Экономик куркынычсызлык һәм коррупциягә каршылык идарәсе һәм Россия Эчке Эшләр министрлыгының Казан линия идарәсенең Чаллы шәһәре полиция бүлеге хезмәткәрләре белән бергә, киң таралган файдалы казылмаларны (ком-вакташ токымнарын) законсыз чыгару фактын теркәделәр. Татарстан Эчке Эшләр министрлыгы полициясе хезмәткәрләре белән бергә казылма чыгару эшләрен арытаба булдырмау һәм вакыйганы ачыклау буенча оператив чаралар оештырылды. Алдан-ала белешмәләр буенча, Кама елгасында ком-вакташ токымнары лицензияләнгән кишәрлектән читтә чыгарылган.