Татарстан Экология һәм табигый байлыклар министрлыгы инспекторлары Кама елгасында законсыз рәвештә файдалы казылма чыгаруны тыйдылар

15 апрельдән башлап Татарстан Экология һәм табигый байлыклар министрлыгының Кама аръягы территориаль идарәсе инспекторлары Кама елгасында киң таралган файдалы казылмаларны законсыз чыгару фактларын ачыклау чаралары үткәрделәр. 2014 елның 18 апрелендә алар, Татарстан буенча Эчке Эшләр министрлыгының Экономик куркынычсызлык һәм коррупциягә каршылык идарәсе һәм Россия Эчке Эшләр министрлыгының Казан линия идарәсенең Чаллы шәһәре полиция бүлеге хезмәткәрләре белән бергә, киң таралган файдалы казылмаларны (ком-вакташ токымнарын) законсыз чыгару фактын теркәделәр. Татарстан Эчке Эшләр министрлыгы полициясе хезмәткәрләре белән бергә казылма чыгару эшләрен арытаба булдырмау һәм вакыйганы ачыклау буенча оператив чаралар оештырылды. Алдан-ала белешмәләр буенча, Кама елгасында ком-вакташ токымнары лицензияләнгән кишәрлектән читтә чыгарылган.
Полициянең линия идарәсе хезмәткәрләре эш барышында шушы хокук бозуга бәйле затларның документларын алдылар, материаллар Россия Эчке Эшләр министрлыгының транспорт буенча Казан линия идарәсенә тапшырылды.
Министрлыкның матбугат хезмәте