Казанда «Игелек маршы 2014» акциясе уздырылды

2014 елның 22 апрелендә Казан үзәгендә Татарстанның алтынчы Игелек маршы уздырылды. Быел маршны Татарстан Экология һәм табигый байлыклар министрлыгы, Татарстан Яшьләр, спорт һәм туризм эшләре министрлыгы, Татарстан Дәүләт Советы каршындагы Яшьләр иҗтимагый палатасы, Татарстан буенча Россия дәүләти наркологик контроль идарәсе ярдәмендә Татарстан Иреклеләр хәрәкәтен үстерү үзәге оештырды.
Чараның максаты – киң җәмәгатьчелек игътибарын иреклеләр хәрәкәтенә юнәлтү, яшьләрне төрле проектларга җәлеп итү.
“Игелек маршы” – шәһәрнең үзәк урамнары буйлап күмәкләп узу ул, анда балалар һәм яшьләр оешмалары, җәмәгать оешмалары һәм ирекле оешмалар, һәм дә Татарстанның вузлары һәм махсус урта уку йортлары катнаша.
Быел Игелек маршы “Язгы игелек атнасы” республика иреклеләр акциясе белән ачылды, ул бу елда “Киләчәгебезне бергә төзибез” дигән девиз астында уза. Акция кысаларында шундый темалар буенча ирекле хәрәкәтләр уздырыла:
– бушлай донорлыкны популярлаштыру;
– тормышта авыр хәлгә тарыган балаларга, Бөек ватан сугышы ветераннарына һәм аларның толларына ярдәм;
– экологик марафон – тынычлык, дуслык, татулык һәм сәламәт яшәү рәвеше пропагандалау акциясе.
Маршта Казан вузларыннан һәм махсус урта уку йортларыннан барлыгы 300дән артык ирекле катнашты.
2014 елда Игелек маршын Татарстанның 20 муниципаль берәмлегендә үткәрү күздә тотыла.
Министрлыкның матбугат хезмәте