ЯҢАЛЫКЛАР

Татарстанның Табигый тарих музеенда Казанның Балалар иҗаты үзәгендә тәрбияләнүче балалар кызыклы экологик дәрес уздырды. Гадәти булмаган тере экспонатлар белән аралашу кунаклар өчен төп сюрпризга әйләнде. Архимандрит тараканнары, Калифорниянең патшабикә еланы (альбинос), тамгалы эублефар, Урта Азия ташбакасы, Чилиның алсу кошашары һәм күп кенә башка төрле хайваннар экспозиция кунакларын сөендерде.  Остаз-мөгаллим В.В.Лисина һәм Министрлык белгече Е.Г. Гыйльмиҗанова җитәкчелегендәге балалар хәрәкәте активистлары хайваннар турында кунакларга бер-берсен бүлдерә-бүлдерә сөйләде, аларны карау буенча киңәшләр бирде һәм хәтта фотосессия дә оештырды.

"Елгага сасы сыекча ага. Укшыта торган ис килә", – Татарстан Республикасы Экология һәм табигый ресурслар министрлыгы телефонына Питрәч районы Татар тау иле авылында яшәүчеләрдән шундый хәбәр алынды. Экоминистрлыкның Үзәк территориаль идарәсе инспекторлары кичекмәстән әлеге хәл булган урынга чыкты һәм җирле агрофирмадан терлек калдыкларыннан барлыкка килгән пычрату чыганагына тап булды. Кар эрүдән барлыкка килгән суга кушылган әлеге калдыклар калкулыклы рельефтан Норма елгасына ага иде. Экологлар агынтыдан һәм табигый судан пробалар алды. Әлеге факт буенча административ эзләтү эше башланды.

Бүген Татарстан Республикасы Экология һәм табигый ресурслар министрлыгы каршындагы Иҗтимагый совет утырышында яңа рәис сайланды. Ул Игонин Евгений Иванович – ТР ФА ИПЭН кулланма экология лабораториясенең өлкән фәнни хезмәткәре булды. Аның кандидатурасын бертавыштан Советның барча әгъзалары да хуплады.

Казаннан, Яшел Үзәннән һәм Лаештан 18 белем бирү йорты 2 атна дәвамында "Иң актив мәктәп" исеме өчен көрәште. Макулатура, батарейка җыю, экологик мастер-класслар уздыру – беренче сайлап алу этабы барышында конкурсантларга боларның барысын да узарга кирәк иде.

Кешенең канатлы юлдашлары турында күбрәк белү – Спас районының Болгар интернат-мәктәбендә тәрбияләнүче балаларга шундый мөмкинлек бирелде. Сәламәтлеге буенча мөмкинлеге чикләнгән балалар янына "Татарстан Республикасы буенча Казан күгәрченнәре" социаль-экологик программаларга булышлык күрсәтү үзәге автономияле коммерциясез оешмасы активистлары килеп китте. Волонтерлар "Күгәрченнәр белән кызыклы һәм маҗаралы аралашу" хәйрия проекты кысаларында экологик дәрес уздырды.

2018 елның 25 апрелендә "2018 елда экологик куркынычсызлык тәэмин итү өлкәсендә Татарстан Республикасы бюджетыннан субсидия алу хокукына СЮКО конкурсы" темасына белем бирү семинары узачак. Катнашу өчен социаль юнәлешле коммерциясез оешмалар чакырыла.

Башлангыч сыйныфта укучы 50дән артык бала экология буенча үзләренең белемнәрен күрсәтте. Казан шәһәренең Яңа Савин районындагы Мәктәптән тыш эшләү үзәгендә Мәктәп укучыларының республика экология олимпиадасы булып узды. Турыдан-туры йомгаклау туры эшендә Татарстан Республикасы Экология һәм табигый ресурслар министрлыгының Үзәк территориаль идарәсе белгечләре катнашты.

Бүген Татарстан Республикасы Экология һәм табигый ресурслар министрлыгында Фәнни-техник советның чираттагы утырышы булды. Көн тәртибендә – Идел елгасын савыктыруга багышланган өстенлекле проект. Министр Александр Шадриков рәислегендә очрашуда шулай ук ТР Биологик ресурслар буенча дәүләт комитеты рәисе Федор Батков һәм ТР урман хуҗалыгы министры Равил Кузюров катнашты.

Узган атнада Республиканың иҗтимагый экологик кабул итү системасына килгән мөрәҗәгатьләр саны икеләтә артты. Бүгенге көндә, санитар-экологик икеайлык башыннан бирле, Татарстан Республикасы Экология һәм табигый ресурслар министрлыгына 387 мөрәҗәгать килде. Мониторинг нәтиҗәләре күрсәткәнчә, хәбәрләрнең күпчелек өлеше – чүпне законсыз урнаштыру фактлары турында. Шулай ук, "Мәктәп эко-патруле" телефон кушымтасы аша килгән барлык 73 хәбәр дә – санкцияләнмәгән чүплекләр турында.

Татарстан Республикасы Экология һәм табигый ресурслар министрлыгының Көньяк-Көнчыгыш территориаль идарәсе белгечләре Әлмәттә куркынычлы матдәләр белән эш иткәндә таләпләрнең үтәлмәү очрагын теркәде. Склад арендалаучы Башкирия транспорт компаниясе техник күкертне махсус бинадан читтә төргәкләгән.