Суны табигый фильтрлар ярдәмендә ничек чистартырга һәм орлыкны ничек итеп дөрес утыртырга? Татарстан укучылары экология олимпиадасында белемнәрен күрсәтте
Башлангыч сыйныфта укучы 50дән артык бала экология буенча үзләренең белемнәрен күрсәтте. Казан шәһәренең Яңа Савин районындагы Мәктәптән тыш эшләү үзәгендә Мәктәп укучыларының республика экология олимпиадасы булып узды. Турыдан-туры йомгаклау туры эшендә Татарстан Республикасы Экология һәм табигый ресурслар министрлыгының Үзәк территориаль идарәсе белгечләре катнашты. "Экология олимпиадасы – ул мәктәп укучыларындагы экологик белемлелек дәрәҗәсен арттыру, аларда экологик культура формалаштыру һәм табигатькә карата җаваплы караш булдыру алымы", – дип билгеләде ТР Экоминистрлыгының ҮТИ башлыгы урынбасары Алмаз Исмәгыйлов.
Олимпиада барышында балалар тест өлешен уңышлы узды, аннан соң зур кызыксыну белән гамәли өлешне үтәде: карталар, минераллар коллекциясе, бөҗәкләр һәм үсемлекләр, шулай ук микроскоплар белән эшләде.
Тәнәфес вакытларында юннатлар икенчел материалдан сувенир әзерләү буенча мастер-класслар карады. Һәр мәктәп укучысы сырлы кәгазьдән үзенә истәлек өчен сөмбел чәчәге ясады.
ТР ЭТРМ матбугат хезмәте