ЯҢАЛЫКЛАР
Татарстан Республикасы Фәннәр академиясенең Экология һәм җир асты байлыкларыннан файдалану проблемалары институты тарафыннан, нефть һәм нефть продуктлары белән пычрануга дучар булган территорияләрдә имин әйләнә-тирә мохитне тәэмин итү максатларында, урман фонды җирләре өчен рекультивация һәм башка тергезү эшләре башкарылганнан соң, Татарстан Республикасының кара көлсу, чирәм-көлсу, ачык соры урман, соры урман һәм каты соры урман, селтесезләнгән чирәм-карбонатлы, көлсуланган чирәм-карбонатлы туфракларындагы нефть һәм аның трансформациясе продуктларының рөхсәт ителгән калдык микъдарының төбәк нормативлары эшләнде.
Нефть һәм нефть продуктлары белән пычрануга дучар булган территорияләрдә имин әйләнә-тирә мохитне тәэмин итү максатларында, авыл хуҗалыгы җирләре өчен рекультивация һәм башка тергезү эшләре башкарылганнан соң, Татарстан Республикасының гадәти кара туфрак, көлсуланган кара, чирәм-көлсу, каты соры урман, селтесезләнгән чирәм-карбонатлы, көлсуланган чирәм-карбонатлы туфракларындагы нефть һәм аның трансформациясе продуктларының рөхсәт ителгән калдык микъдарының төбәк нормативлары эшләнде.
Татарстан Республикасы Фәннәр академиясенең Экология һәм җир асты байлыкларыннан файдалану проблемалары институты тарафыннан, нефть һәм нефть продуктлары белән пычрануга дучар булган территорияләрдә имин әйләнә-тирә мохитне тәэмин итү максатларында, аеруча саклана торган территория һәм объект җирләре өчен рекультивация һәм башка тергезү эшләре башкарылганнан соң, Татарстан Республикасының ачык соры урман һәм соры урман туфракларындагы нефть һәм аның трансформациясе продуктларының рөхсәт ителгән калдык микъдарының төбәк нормативлары эшләнде.
Татарстан Республикасы Экология һәм табигый байлыклар министрлыгының Үзәк территориаль идарәсе гражданнар мөрәҗәгатьләре белән актив эш алып бара. 2012 елның гыйнвар һәм февраль айларында гына да ҮТИгә үзәк төбәктә яшәүче кешеләрдән 49 шикаять килгән.
28 февральдә Комлы Кавал авыл китапханәсендә үсеп килүче буынга экологик тәрбия һәм белем тарату программасы кысаларында Татарстан Республикасы экология һәм табигый байлыклар министрлыгының үзәк территориаль идарәсе буенча дәүләт инспекторларының Лаеш муниципаль районы Комлы Кавал урта гомуми белем бирү мәктәбе укучылары белән экологик белем тарату очрашуы узды.
29 февральдә Яр Чаллы шәһәренең «ЭКСПО-КАМА» күргәзмә үзәгендә VII Кама инновацион сәнәгый форум – 2012 ачылды. Аның кысаларында чит ил оешмалары катнашында «Нефть. Газ. Химия. Экология-2012», «Шина. Каучуклар. Резина һәм техник эшләнмәләр-2012», «Кама арты энергетикасы -2012», «Сәнәгатьтәге нанотехнологияләр-2012», «Сәнәгый иминлек-2012» Бөтенроссия күргәзмәләре узачак.
Экология һәм табигый байлыклар министры Артем Сидоров Австрия делегациясе вәкилләре белән “Экологик яктан чиста технологияләрне тапшыру максаты белән су объектларының пычрану учакларын ачыклау, аларга бәя бирү һәм градация үткәрү” проекты кысаларында Берләшкән Милләтләр Оешмасының сәнәгый үсеш оешмасы (ЮНИДО) белән үзара бәйләнеш мәсьәләсе турында очрашу үткәрде.
Бүген Татарстан Республикасының фәннәр академиясендә “Хәзерге чор көнкүреш иминлеге мәсьәләләре: теория һәм практика” II Бөтендөнья фәнни-гамәли конференциясе кысаларында “Экологик иминлекнең актуаль мәсьәләләре” секциясе үтте.