Көньяк-Көнчыгыш территориаль идарәдә гражданнарны кабул итү

2 мартта Татарстан Республикасы экология һәм табигый байлыклар министры Артем Сидоров Татарстан Республикасы Экология һәм табигый байлыклар министрлыгының Әлмәт шәһәрендәге Көньяк-Көнчыгыш территориаль идарәсендә гражданнарны кабул итте.
Бу көнне министрга шәһәр һәм якын-тирә районнарның халкы шәһәр территорияләрен яшелләндерү, каты көнкүреш калдыкларын санкциясез урыннарга түгү һәм атмосфера һавасы торышына бәйле мәсьәләләр белән мөрәҗәгать итте.
Әлмәт муниципаль районының Кәләй торак пункты кешеләреннән дә сораулар күп иде. Алар өчен авыллары территориясен баскан күкертле водород исе, Кәләй авылын төзекләндерү буенча санитар норма һәм кагыйдәләрне бозып түгелгән җитештерү һәм куллану калдыклары урыннары мәсьәләләре аеруча актуаль булып тора.
Үтә җиңел авиация рәисе Владимир Чупарков министрга, җитештерү һәм куллану калдыкларын санкциясез урыннарга ташлау һәм гомум таралган файдалы казылмаларның карьерларын эшкәртү урыннарын күзәтү өчен, Үтә җиңел авиация федерациясе балансында булган очу аппаратларын куллану тәкъдиме белән мөрәҗәгать итте.
Көньяк-Көнчыгыш территориаль идарә мәгълүматлары буенча.
Министрлыкның матбугат хезмәте