ЯҢАЛЫКЛАР
Казанда Экология һәм табигый ресурслар министрлыгы һәм Татарстан Урман хуҗалыгы министрлыгының уртак коллегиясе утырышы узды. Утырыш ахырында йомгаклау сүзе белән Татарстан Республикасы Премьер-министрының беренче урынбасары Рөстәм Камил улы Нигъмәтуллин чыгыш ясады.
Казанның төньяк өлешендә һава сыйфаты проблемасын хәл итүгә комплекслы фәнни һәм технологик якын килү беренче әһәмиятле нәтиҗәләргә китерде. Татарстан Республикасы Экология министрлыгының йомгаклау коллегиясендә хәбәр итүләренчә, 2025 ел нәтиҗәләре буенча бу районда яшәүчеләрдән шикаятьләр саны 3 тапкырга, ә рөхсәт ителгән концентрацияләрнең (РИК) артуы 8 тапкырга кимегән.
ТР Экология министрлыгы табигатьне саклау прокуратурасы һәм хокук саклау органнары белән берлектә 2025 елда файдалы казылмаларны законсыз чыгаруга каршы көрәшне активлаштырды. 2025 ел йомгаклары буенча бу эш табигать ресурсларын һәм бюджет акчаларын саклауга юнәлдерелгән конкрет нәтиҗәләр китерде.
Татарстан Республикасы 2025 елда “Экология” милли проектына алмашка килгән “Экологик иминлек” яңа милли проектын гамәлгә ашыруга күчте.
Татарстан Республикасы Экология министрлыгы һәм Татарстан Республикасы Урман хуҗалыгы министрлыгының йомгаклау коллегиясенең киңәйтелгән уртак утырышында ведомствоның иң яхшы хезмәткәрләрен бүләкләү булды.
Бүген ТР Экология министрлыгы һәм ТР Урман хуҗалыгы министрлыгының уртак йомгаклау коллегиясендә ТР Экология министрлыгы, “Органик синтез” Казан ачык акционерлык җәмгыяте, А.И. Щеповских исемендәге Әйләнә-тирә мохитне саклауга ярдәм итү төбәк иҗтимагый фонды һәм РГҖнең Татарстан Республикасындагы төбәк бүлеге арасында хезмәттәшлек турында килешү имзаланды. Документ республика елгаларының һәм сулыкларының экологик торышын саклау һәм яхшырту бурычларын гамәлгә ашыруга, шул исәптән Татарстан территориясендә урнашкан су объектлары ярлары буендагы саклагыч урман полосаларын реконструкцияләүгә юнәлдерелгән.
Татарстанда сирәк очрый торган хайван төрләрен саклау һәм экосистемаларны торгызу эше, хакимият, фән, бизнес һәм җәмәгатьчелек тырышлыкларын берләштереп, сыйфат ягыннан яңа дәрәҗәгә күтәрелде.
Татарстан Республикасы “Россия суы” Бөтенроссия ярларын чистарту акциясендә бишенче тапкыр рәттән беренче урынны алып, экологик волонтерлык лидеры статусын раслады. ТР Экология һәм табигый ресурслар министрлыгында 2025 елга нәтиҗә ясалды.
Татарстан Республикасы “Яшел үсеш” нең тотрыклы моделен күрсәтә, икътисадый үсеш һәм экологик иминлек бер-берсенә туры килә генә түгел, бәлки бер-берсен ныгыта да дип раслый.
Бүген Татарстан Экология һәм табигый ресурслар министрлыгы һәм Татарстан Урман хуҗалыгы министрлыгының уртак йомгаклау коллегиясе башланыр алдыннан масштаблы күргәзмә узды. Анда ведомстволар үзләренең заманча казанышларын, инновацион эшләнмәләрен һәм аеруча әһәмиятле проектларын тәкъдим иттеләр.