ЯҢАЛЫКЛАР

ТР Экология һәм табигый ресурслар министрлыгының Үзәк территориаль идарәсе инспекторлары Лаеш районы белән чикләшкән урында Тынычлык бистәсе янәшәсендә комны законсыз алу очрагын чикләде. Рейд Министрлыкның кайнар линиясенә гражданнардан килгән хәбәр нигезендә уздырылды. РФ ЭЭМ Лаеш районы бүлеге хезмәткәрләре белән берлектә әлеге урында ике йөк самосвалы һәм экскаватор-төягеч тоткарланды.

Кырга чүп ташлаган компания җитештерү калдыкларын җиңел , ләкин законсыз рәвештә ликвидацияләү ысулын тапкан. Әлмәт районының Колшәрип авыл җирлеге территориясендә ТР Экоминистрлыгының Көньяк-Көнчыгыш территориаль идарәсе инспекторлары фанера, черепица, керамика, пыяла, төзелеш кирпече, алюминий фольга, базальт һәм пыяласүс калдыкларын теркәде. Ресторанны үзгәртеп кору нәтиҗәсендә барлыкка килгән калдыклар өч урында туфрак өстенә ташланган. Чүплек урнаштыруның гомуми мәйданы 482 м2 тәшкил иткән.

Казансу суы билгеләнгән барча нормативларга да җавап бирәме? Бүген елгага экологик мониторинг ясау максатында ТР Экология һәм табигый ресурслар министрлыгының Үзәк инспекторлык идарәсе хезмәткәрләре Үзәк махсуслаштырылган аналитик контрольлек инспекциясе белгечләре белән берлектә судан пробалар алды.

Арчада яшәүче Гариповлар гаиләсенең балыкка чыгуы табигать саклау башлангычына әверелгән. Балык тотарга яратучылар ял итәргә чыккач үзләренең Дүртөйле поселогы янәшәсендәге яраткан урынның бик начар торышта булуын абайлап алганнар. Ял итүчеләрдән калган пластик шешәләрне һәм калган башка төрле чүп-чарны җыештырып бетерү бер гаилә хәленнән генә килмәгән.

Республиканың Тукай районындагы гараж кооперативы Ялхов елгасын чүпләү һәм пычрату куркынычын тудырган. Кече Шилнә авыл җирлеге территориясендә, су киселешеннән өч метр аралыкта, Татарстан Республикасы Экология һәм табигый ресурслар министрлыгының Ык буе территориаль идарәсе инспекторлары тарафыннан төзелеш калдыклары теркәлде.

Казан-Ульян автотрассасы буйлап утыртылган урман утыртмалары чистарак булды. ТР Экология һәм табигый ресурслар министрлыгының Идел аръягы территориаль идарәсе белгечләре бүген 600 метр озынлыгында территория чистартты һәм агачларны агартты.

Баулы шәһәрендә авыл җирлекләре башлыклары өчен җирле үзидарәнең актуаль мәсьәләләре буенча белем бирә торган зональ семинар-киңәшмә уздырылды. Киңәшмә эшендә Татарстан Республикасы экология һәм табигый ресурслар министры урынбасары – республиканың әйләнә-тирә мохитне саклау өлкәсендә баш дәүләт инспекторы Фаяз Шакиров катнашты.

Татарстан Республикасы Экология һәм табигый ресурслар министрлыгының Төньяк территориаль идарәсе дәүләт инспекторлары тарафыннан Теләче районы буенча санитар-экологик рейд уздырылды.

Экологик тәрбияне балачактан ук бирә башларга кирәк. Шундый максат белән Чистай районының катнаш төрдәге 1 номерлы "Күңелле кәмит" балалар бакчасында ТР Экоминистрлыгының Идел-Чулман территориаль идарәсе белгечләре табигатьне яклау турында әңгәмә уздырды.

Волонтерлар, лидерлар, ихтыяри (волонтерлык) коммерциясез оешмаларның һәм берләшмәләрнең җитәкчеләре һәм вәкилләре, дәүләт учреждениеләре, коммерциячел компанияләрнең җитәкчеләре һәм вәкилләре һәм 8 яшьтән олырак булган башка инициатив төркемнәрнең вәкилләре "Добровольцы России" конкурсында катнаша ала.  Оештыручылары булып Яшьләр эшләре буенча федераль агентлык, "Роспатриотцентр" ФДБУ,  "Росдетцентр" ФДБУ,  Волонтерлык үзәкләре ассоциациясе тора.