РФ Цифр министрлыгы халыкны кибермошенниклардан яклау буенча яңа чаралар комплексын тәкъдим итте
РФ Цифрлы үсеш министрлыгы цифрлы мошенниклыкка каршы тору буенча яңа чаралар пакетын әзерләгән.
Дәүләт хезмәтләрендә аккаунтны блоклау очрагында биометрик идентификация, MAX милли мессенджеры, кушымта, банк сайты яки КФҮ аша керү мөмкинлеген торгызырга мөмкин булачак.
Дәүләт хезмәтләрендә бердәм платформа булдырылачак, анда кулланучы элек калдырган шәхси мәгълүматларны эшкәртүгә ризалык күрә алачак. Мәгълүматларны кем, ничек һәм ни өчен эшкәртүен белеп кенә калмыйча, элек бирелгән ризалыкны кире алырга һәм хокук бозулар турында вәкаләтле органнарга хәбәр итәргә мөмкин булачак.
Мошенниклар белән көрәшнең нәтиҗәлелеген арттыру өчен «Антифрод» ДМС аша мәгълүматларны автоматлаштырылган алмашу кертеләчәк. Шулай ук зыянны компенсацияләү механизмы да эшләнәчәк. Әйтик, әгәр элемтә операторы эшләмәсә, мошенниклар мобиль счеттан акча урлаганнар икән, оператор аларны кире кайтарырга тиеш булачак. Әгәр дә банк, операторны шикле гамәлләр турында кисәткәннән соң да, җинаятьчеләр тарафыннан акча урлауны булдырмау буенча чаралар күрмәсә, зыянны кредит оешмасы үзе капларга тиеш булачак.
Кулланучылар чит ил номерларыннан кергән чакыруларны тулысынча блокка җибәрә алачак. Барлык халыкара шалтыратулар махсус индикатор белән билгеләнәчәк, бу кулланучыларга потенциаль куркыныч чакыруларны җиңел идентификацияләргә мөмкинлек бирәчәк.
Сертификацияләнмәгән элемтә чараларын сату турында белешмәләр булган фишинг сайтлары һәм ресурслар өчен блокировканың судтан тыш механизмы гамәлдә булачак.
Тәкъдим ителгән чаралар цифрлы мохиттә яшәүчеләрне яклауның күп дәрәҗәле системасын булдырачак. Барлык инициативалар куркынычсызлык нисбәтен һәм кулланучылар хокукларын исәпкә алып эшләнә.