«Федераль экология операторы» ФДУП җитәкчесе Максим Погодинның Татарстан Республикасына эш визиты
Татарстан Республикасы һәм «Федераль экология операторы» федераль дәүләт унитар предприятиесе («ФЭО» ФДУП) калдыклар белән имин эш итү һәм әйләнә-тирә мохитне саклау өлкәсендә күптәннән һәм нәтиҗәле хезмәттәшлек итәләр. «ФЭО» ФДУП I һәм II класслы куркынычлы калдыклар белән эш итү буенча федераль оператор булып тора, ул Россиянең бөтен территориясендә мондый калдыклар белән эш итүнең имин системасын булдыру һәм эшләү өчен җаваплы.
2020 елның 14 гыйнварында Татарстан Республикасы Президенты Р.Н.Миңнеханов «ФЭО» ФДУП белән I һәм II класслы куркынычлы калдыклар белән имин эш итү өчен шартлар тудыруга һәм регионда тупланган экологик зыянның аеруча куркыныч объектларын бетерүгә юнәлдерелгән хезмәттәшлек турында килешү имзалады. Әлеге килешү кысаларында сәнәгатьнең әйләнә-тирә мохиткә йогынтысын киметү буенча уртак проектлар уңышлы гамәлгә ашырыла.
Аерым алганда, «ФЭО» ФДУП «Идел буе территориаль округы» филиалының Казан бүлекчәсе базасында I һәм II класслы куркынычлы терекөмеш калдыкларын зарарсызландыру һәм утильләштерү өчен заманча куәтләр, шулай ук мобиль термодеструкция җайланмасы нигезендә III–V класслы калдыкларның 1100 дән артык төре булдырылды.
Татарстан Республикасы «ФЭО» ФДУП администрацияли торган I һәм II класслы хәвефлелектәге калдыклар белән эш итүне исәпкә алу һәм тикшереп тору федераль дәүләт мәгълүмат системасын үстерүдә актив катнаша. ТР Экология һәм табигать ресурслары министрлыгы ярдәмендә табигатьтән файдаланучылар өчен өйрәтү вебинарлары сериясе үткәрелде, ә куркыныч калдыклар белән эш итү базарында катнашучыларны системада теркәү үсүен дәвам итә.
2020 елда Татарстан «Ышанычлы партнер – Экология» Бөтенроссия конкурсында I һәм II класслы калдыклар белән эш итүнең яңа системасына уңышлы күчкән өчен Россия Федерациясенең иң экологик юнәлешле субъекты дип танылды.
Бүген, 2025 елның 4 июлендә, хезмәттәшлекне ныгыту кысаларында Татарстан Республикасы Премьер-министры Алексей Песошин һәм Татарстан экология министры Александр Шадриков «Федераль экология операторы» ФДУП генераль директоры Максим Погодин белән очраштылар.
Шулай ук бүген эш визиты барышында тупланган зыян объекты – Түбән Кама районында «СССР Нефть эшкәртү һәм нефть химиясе сәнәгате министрлыгының Түбән Кама нефть химиясе комбинаты» эшчәнлеге нәтиҗәсендә 1973-1982 елларда тупланган сәнәгать калдыкларын күмүнең ябык полигоны (шламоотвал) каралды.
Шламоотвалның мәйданы 14,7 га тәшкил итә, анда 100 000 тоннага якын II–IV класслы куркыныч калдыклар урнаштырылган.
Шламоотвал объекты әйләнә-тирә мохиткә тупланган зыян объектларының дәүләт реестрына кертелгән, һәм хәзерге вакытта Түбән Кама муниципаль районы башкарма комитеты аны бетерү буенча проект-смета документларын әзерли.
Шулай ук визит кысаларында Максим Погодин «ФЭО» ФДУП Татарстан филиалында эшлекле киңәшмә уздырды, анда уртак экологик проектларны, шул исәптән "Экологик иминлек" илкүләм проектын гамәлгә ашыру перспективалары турында фикер алыштылар.