Экология министрлыгы инспекторлары тарафыннан Зөбәрҗәт күле территориясендә 10 чүплек табылды
Экология министрлыгы инспекторлары Казан районара табигатьне саклау прокуратурасы, Роспотрепнадзор идарәсе һәм Киров һәм Мәскәү районнары администрациясе белән берлектә элегрәк Зөбәрҗәт күле янында тикшерү уздырган иде инде. Күлнең тирә-ягында һәм урман утыртмалары янында рөхсәтсез калдыклар туплауның 10 ноктасы табылган иде.
Бүген территорияне журналистлар белән бергә тикшерделәр.
«Бу урын рәсми пляж түгел, ул күл буенда ял итү урыны булып тора. Шуның аркасында биредә кешеләр калдыкларны ташлый алырлык контейнер мәйданчыклары куелмаган. Тирә-якта чүп-чар шактый күп тупланган, чөнки барысы да үзләре белән чүп-чарны алып китми, ә су һәм урман янында калдыралар», – дип билгеләде Экология министрлыгының Үзәк идарәсе инспекторы Анна Сәлахова.
Киров һәм Мәскәү районнары администрациясе адресына табигатьне саклау законнарының мәҗбүри таләпләрен бозуга юл куймау һәм чүплекләрне бетерү турында кисәтү җибәреләчәк.