Узган атнада атмосфера һавасының пычрануын контрольдә тоту станцияләре күкерт водороды буенча артуларны теркәде
Бу Зеленодольск районының Осиново авылында урнашкан АСКЗА-1 һәм Казан шәһәрендә (И.Шакиров пр., 3) АСКЗА-5 станцияләре.
Казанда атмосфера һавасының пычрануын контрольдә тотуның башка автоматик станцияләрендә 26 июльдән 2 августка кадәр пычраткыч матдәләрнең артып китүе ачыкланмады.
Шулай ук хәбәр итәбез, җиһазларның бер өлеше диагностикада һәм тикшерүдә тора:
- АСКЗА-1 формальдегидны үлчәү буенча газ анализаторы (Осиново, Зеленодольск м.р.)
- АСКЗА-5 фенолны үлчәү буенча газ анализаторы (Казан ш., И.Шакиров пр., 3)
- АСКЗА-2 күкерт дигидросульфидын һәм диоксидын билгеләү буенча газ анализаторы (Казан, Павлюхин ур., 75)
- АСКЗА-4 углерод оксидын, азот оксидын һәм аммиакны үлчәү өчен газ анализаторы (Казан ш., Четаев ур., 26)
- АСКЗА-3 фенолны үлчәү өчен газ анализаторы (Казан ш., Максимов ур., 76).
Моны исәпкә алып, АСКЗА-5 – фенол, АСКЗА-1 – формальдегид, АСКЗА-2 – дигидросульфид һәм күкерт диоксиды, АСКЗА-4 – углерод оксиды, азот оксиды һәм аммиак буенча мәгълүматлар Татарстан Республикасының Экологик картасында күрсәтелми.
Ел башыннан атмосфера һавасын пычратуны контрольдә тотуның 17 автоматик станциясендә 2,586 млн. артык үлчәү башкарылган, шул исәптән атмосфера һавасын пычратуны контрольдә тотуның биш автоматик станциясендә Казанда 793 меңнән артык үлчәү башкарылган.