Экология министрлыгы Казанның төньяк өлешендә теркәлгән күкерт водороды буенча арту сәбәпләренең берсен ачыклады
13-19 июльдә Зеленодольск районында һәм Казан шәһәрендә АСКЗА-1 (Осиново авылы, Зеленодольск районы) һәм АСКЗА-5 (Казан шәһәре, И.Шакиров проспекты, 3) буенча атмосфера һавасында күкертле водород буенча рөхсәт ителгән концентрациянең артуы теркәлгән.
Шунысын да билгеләп үтәргә кирәк, 1 нче АСКЗА тәүлекнең май һәм июль айларында (күбесенчә 20.00 дән 4.00 гә кадәр) арттырулар теркәлгән. Нигездә бу артулар штил вакытында теркәлгән. Экология министрлыгы инспекторлары май аенда АСКЗА-1 янындагы территорияне тикшергәннәр. Атмосфера һавасын күкертле водород белән пычрату чыганакларының берсе ачыкланган, ул – җирлек рельефына канализация агынтыларын агызып, эшләми торган канализация системасы. Пычрануның гомуми мәйданы 569м2 тәшкил итә.
Министрлыкның экологик күзәтчелекне тәэмин итүче үзәк бүлеге белгече белән берлектә урында химик анализ ясау һәм пычрану дәрәҗәсен билгеләү өчен туфрак һәм агынты су пробалары алынган. Нәтиҗәләр буенча хлоридлар буенча 1,1 тапкырга, аммоний ион буенча 18,6 тапкырга, нитрит азоты буенча 8,6 тапкырга һәм нефть продуктлары буенча 4,8 тапкырга артыклык ачыкланган.
Күчмә экологик лаборатория ярдәмендә дә һавадагы күкерт водороды буенча артулар расланды. Мәсәлән, 15 июльдә инспекторлар күчмә лаборатория ярдәмендә ачыкланган хокук бозу зонасына якын урында күкерт водороды буенча 11,75 тапкыр артуны билгеләделәр. Күчмә лабораториядә теркәлгән артыклыклар бу районда урнаштырылган һава чисталыгын контрольдә тоту станцияләре мәгълүматларын раслый.
Зеленодольск районы башкарма комитетыннан алынган мәгълүмат һәм «Роскадастр» ППК филиалы өземтәсе буенча әлеге гамәлдәге канализация корылмаларының хокукына «Осиново авыл җирлеге» муниципаль берәмлеге ия.
Әлеге факт буенча Татарстан Республикасы Зеленодольск муниципаль районы башкарма комитеты адресына Министрлык тарафыннан мәҗбүри таләпләрне бозмуга юл куймау турында кисәтүләр һәм җирләрне рекультивацияләү проектын эшләү юлы белән табигатьне саклау законнарын бозуларны бетерүгә дәгъвалар җибәрелде.
Шул ук вакытта Министрлык адресына канализация агызу һәм аның исе турында мөрәҗәгатьләр килүен дәвам итә. Әлеге территорияне кабат тикшергәндә ачыкланганча, хокук бозуларны бетерү буенча чаралар күрелмәгән, агып төшүче суларны агызу дәвам итә. Туфракка китерелгән зыян исәпләнгән. Ул 2,7 млн сум тәшкил итә. Зеленодольск районы башкарма комитеты һәм Осиново авыл җирлеге башкарма комитеты адресына әйләнә-тирә мохиткә китерелгән зыянны каплау турында дәгъвалар җибәрелде.
Хәзерге вакытта Министрлык суд органнарына дәгъва гаризасы бирү өчен материаллар әзерли.