Татарстанның иреклелек ресурс үзәге Яшьләр көне 2024 тә «Игелекле кешеләр шәһәре»н ачачак
Өченче ел рәттән Татарстан Республикасы иреклелек ресурс үзәге Республика яшьләр көнендә катнашачак һәм 29 июньдә «УРАМ» экстрим-паркына килүчеләр өчен «Игелекле кешеләр шәһәре» ачылачак. Шәһәрнең рәсми ачылышы 13:00 сәгатьтә.
Чара концепциясе кысаларында «Татарстан Республикасы Иреклелекнең мәгълүмати-ресурс үзәге» автоном коммерциячел булмаган оешмасы «Игелекле кешеләр шәһәре» мәйданчыгын тәкъдим итәчәк. Ул үз эченә Татарстан Республикасының иреклелек хәрәкәтләреннән «игелекле станцияләр» (хастаханә, мәдәни үзәк, туристлык агентлыгы һ.б.) эшен алачак.
Программада:
-«Россия Кызыл Хач» Гомумроссия иҗтимагый оешмасының Татарстан төбәк бүлегеннән квиз;
-«Э-моция» иҗади инклюзив студиясе чыгышы;
- Мәдәният волонтерлары хәрәкәтеннән Сабантуй;
-«Чиста булачак» проектыннан һәм «Доктор Китапкин» хәрәкәтеннән мастер-класслар;
-«Туристлык волонтерлары ассамблеясы» активистларыннан экскурсияләр;
-«Kazan Volunteers» хәрәкәтеннән фиджитал-зоналар ;
-Иҗтимагый региональ коткару отрядыннан беренче ярдәм күрсәтү буенча мастер-класслар;
-Балалар спорт уеннары һәм лотерея.
Керү урынында Шәһәр кунаклары кызыл җеп алачак. Активлык үткәндә катнашучылар хәрәкәтләрдән «Игелек җебе» уникаль беләзеген җыю өчен төймәләр ала алачаклар. Ә барлык станцияләрне узганнан соң чын «Игелекле кешеләр шәһәре» паспортын ала алачаклар.
Моннан тыш, ирекле мәйданчык «Башка эш» марафонына кертеләчәк. Шәһәр биремнәрен үтәгәндә, кунаклар баллар алачак, аларны соңыннан платформадан файдалы бонусларга алмаштыра алалар.
19: 00 сәгатьтә мәйданчыкның эшен ябу тантанасында ТР Рәисе Рөстәм Миңнеханов катнашында «Игелекле Татарстан» иреклелек өлкәсендә Республика премиясенең дүртенче сезоны рәсми старт ала.
Исегезгә төшерәбез, премия җиңүчеләре булып республиканың төрле юнәлешләр буенча волонтерлар берләшмәсе лидерлары: сәламәтлек саклау, экология, инклюзия, мәдәният, вакыйгалар юнәлеше, махсус хәрби операция үткәрү зонасында ярдәм һәм башкалар тора. Ирекле эшчәнлекне оештыручылар, шул исәптән коммерцияле булмаган оешмалар, уку йортлары, бизнес вәкилләре хуплана. Татарстан Республикасының Ел волонтеры аерым билгеләнә.
2024 елда премия өчен уртак ирекле эшчәнлек белән шөгыльләнүче гаиләләрне бүләкләүгә юнәлдерелгән «Гаилә волонтерлыгы» номинациясе яңалык булачак.