Кама аръягы территориаль идарәсе инспекторлары Түбән Кама районында нефть агызуны бетерү буенча комплекслы өйрәнүләрдә катнаштылар
Түбән Кама районында Түбән Уратма авылында Россия Гадәттән тыш хәлләр министрлыгының Татарстан Республикасы буенча Баш идарәсе җитәкчелегендә «Геология» АҖнең нефть һәм нефть продуктлары агызуны локальләштерү буенча эшчәнлеккә әзерлеген раслауга бәйле комплекслы өйрәнүләр узды. Ведомствоара комиссия составына ТР Экология министрлыгының Кама аръягы территориаль идарәсе инспекторлары, Росприроднадзор, Ростехнадзор, Россия Гадәттән тыш хәлләр министрлыгының ТР буенча Баш идарәсе һәм Түбән Кама районы Башкарма комитеты вәкилләре керде.
Легенда буенча, «Насос станциясе мәйданчыгы (ДНС-2/2с «Уратьма»)» ОПО территориясендә кинәт кенә буфер савыты җимерелә. Нефть бетон белән капланган һәм герметик бордюрлы коймалы технологик савытлар мәйданчыгында агып чыга һәм тарала. Янгын куркынычы барлыкка килә.
«РегионСпас» ҖЧҖнең профессиональ авария-коткару формированиесе нефть җыю чараларын кулланып, нефть продуктларын агызуны бетерү буенча чаралар үткәрде. Белгечләр аралык савытлар урнаштырдылар, суырткыч җиһазларны тоташтырып, нефть продуктларын җыеп алдылар. Калган нефть пычрануларын сорбентлар кулланып бетерделәр. Өйрәнүләр уңышлы узды, комиссия аларны «канәгатьләндерерлек» дип бәяләде.