Экология министрлыгы инспекторлары һәм «Геология үзәге ФҖБ» дәүләт бюджет учреждениесе хезмәткәрләре Киндер елгасы янында төзелеш турында шикаять буенча урынга чыктылар
Министрлыкның дәүләт инспекторлары тарафыннан «Белянкино» бакчачылык ширкәте һәм Казан шәһәре Совет районы Аки бистәсе арасында Киндер елгасы буенда урнашкан җир кишәрлекләренә карата күчмә тикшерү үткәрелде. Тикшерү вакытында су объектына ирекле керүне чикләү фактлары билгеләнмәде. Капиталь төзелеш объектыннан су киселешенә кадәр ара 75 метр тәшкил итә.
Шулай ук «Геология үзәге ФҖБ» ДБУ хезмәткәрләре якындагы чишмәләрне дә тикшерделәр. Аларның берсе, җирле халык әйтүенчә, корыган. Белгечләр, сәбәбен ачыклау өчен, чишмәнең су җыю мәйданын тикшерделәр, шулай ук Экология һәм җир асты байлыкларыннан файдалану институтына су агымы мәсьәләләре буенча гариза да җибәрү планлаштырыла.
Әлеге участокта төзелешкә килгәндә, шунысын билгеләп үтәргә кирәк, су саклау зоналары чикләрендә, су объектларын пычранудан, чүпләнүдән, ләм утырудан һәм сулыкларны саегудан саклауны тәэмин итә торган корылмалар белән су законнарына һәм әйләнә-тирә мохитне саклау өлкәсендәге кануннарга ярашлы рәвештә, мондый объектларны проектлау, төзү, реконструкцияләү, эксплуатациягә кертү, хуҗалык һәм башка объектларны эксплуатацияләү рөхсәт ителә.