«Экология» илкүләм проекты кысаларында Бөрсет елгасының өчтән бер өлеше чистартылган
«Экология» илкүләм проектының «Уникаль су объектларын саклау» федераль проектын гамәлгә ашыру кысаларында Мамадыш районының Кама урман хуҗалыгында Бөрсет елгасындагы эш барышын ТР Экология министрлыгының икътисад һәм проект эшчәнлеге идарәсе башлыгы Илнур Насретдинов, ТР буенча су ресурслары бүлеге башлыгы Артем Артемьев һәм Мамадыш районы Башкарма комитеты җитәкчесе урынбасары Руслан Никифоров бәяләде.
Хәзерге вакытта елга төбеннән 20 мең куб.метр чамасы су төбе ятмалары чыгарылган, шулай ук объектта сазлык экскаваторы һәм автосамосвал эшли. Барлыгы 65 мең кубометрдан артык су төбе утырмаларын күтәрү планлаштырыла. Көтелгән чистарту нәтиҗәсе-елганың гидрологик үзлекләре яхшырачак, су үткәрү сәләте, су агымы һәм су алмашу артачак, сулык экосистемасына тискәре йогынты ясаучы күренешләр булмаячак.
Мамадыш районы Кама урман хуҗалыгы авылы янында Бөрсет елгасын чистарту эшләренең тәмамлану 2022-2023 елларда. Эшләр тәмамланганнан соң, тормыш сыйфаты Кама урман хуҗалыгы авылында, Җәнлек савхозы поселогында, Новый поселогында, Бөрсет авылында яхшырачак. Барлык чараларның гомуми бәясе 113 млн.сум тәшкил итә.