Экологлар Казанда чираттагы законсыз кар ташлау урынын ачыклады
Тиешле булмаган урынга кар ташланган. Татарстан Республикасы Экология һәм табигать ресурслары министрлыгының Үзәк территориаль идарәсе инспекторлары Рус-Алман Швейцариясе территориясендә санкцияләнмәгән кар ташлау урынын ачыклады. Кишәрлекне тикшерү барышында, хезмәткәрләр КамАЗ йөк үзбушаткычы йөртүчесенең кар бушатуын теркәгән. Законсыз кар ташлау урынының мәйданы – 300 кв.м., күләме 84 куб.м. тигез.
Транспорт чарасы хуҗасына Административ хокук бозулар турында ТР кодексының 3.6 статьясындагы 1 өлеше буенча административ материал төзү буенча хәбәр җибәрелде. Казан шәһәренең Вахитов һәм Идел буе районнары администрациясенә карата Административ хокук бозулар турында РФ кодексының 8.2 статьясындагы 1 өлеше буенча беркетмә төзелде. Эш материаллары карар кабул итү өчен Казан шәһәренең Вахитов районы судына җибәрелде, хокук бозучыга 100 мең сум күләмендә штраф яный.