ЯҢАЛЫКЛАР

Табигатьтән файдалану өлкәсендә күзәтчелек буенча федераль хезмәт (Росприроднадзор) «Экология – һәркемнең эше» халыкара балалар-яшүсмерләр премиясенә старт бирде. Премия яшьләрнең экологик культурасын һәм аңын үстерүгә, балаларны һәм яшүсмерләрне табигать саклау тәртибенә, аларга кызыклы һәм аңлаешлы форматлардан, мәсәлән, флеш-моб яки челленджлардан файдаланып, җәлеп итүгә юнәлтелгән.

Чүпүткәргеч кая бара һәм калдыкларның алдагы юлы нинди? Бу хакта «Бүлү кагыйдәләре» конкурсында катнашучылар – өч югары уку йорты ˜– КДЭУ, КХТИ, КАИ студентларына сөйләгәннәр. «ПЖКХ» ИК хезмәткәрләре балалар өчен чүп-чар төяү станциясендә экскурсия үткәргән.

Су ресурслары федераль агентлыгы белән видеоконференцэлемтә режимында Идел-Кама каскады сусаклагычларының эш режимнарын көйләү буенча ведомствоара эш төркеме утырышы узды. Киңәшмәдә Татарстан экология һәм табигать ресурслары министры Александр Шадриков, Россия ГТХМ вәкилләре, «Татэнерго» АҖ, Росгидромет, Росрыболовство, «Россия ЕЭС» РАҖ, «РусГидро» ГАҖ, Самара, Волгоград, Әстерхан өлкәләре һәм Идел буеның башка төбәкләре башкарма хакимият органнары вәкилләре катнашты.

24 апрельдә «Эковесна 2021» үзәк республика өмәсе кысаларында сезонның беренче уены узачак.

Ел башыннан бирле республиканың иҗтимагый экологик кабул итү бүлмәсенә 1074 мөрәҗәгать кергән.

Бүген Татарстан Республикасы Экология һәм табигать ресурслары министрлыгында «Бүлү кагыйдәләре» конкурсы кысаларында үткәрелә торган экомарафонда җиңүчеләрне бүләкләү тантанасы булып узды. Конкурсны оештыручылар – ТР Экология министрлыгы ярдәмендә, Мега Казан, Леруа Мерлен сәүдә үзәкләре һәм «ИННОКАМ» ассоциациясе.

Биектау районының «Костер» республика балаларны савыктыру-белем бирү үзәгендә табигый янгыннарны бетерү һәм ташкыннарга каршы тору чараларын тәэмин итү буенча Бөтенроссия команда-штаб өйрәнүләренең III этабы узган.

Буа шәһәренең «Теремок» балалар бакчасында  өлкән һәм мәктәпкә әзерлек төркеме балалары өчен «Табигать белгечләре» дигән темага «Нәрсә? Кайда? Кайчан?» интеллектуаль уены узган.​ ​Максаты – балаларда табигатькә карата тотрыклы кызыксыну формалаштыру.

Югары һәм урта махсус уку йортлары студентлары ТР «Халык контроле» ДМС кысаларында законсыз оештырылган чүплек урыннары турында мәгълүмат җиткерү буенча традицион проектта катнашырга чакырыла.

Санитар-экологик икеайлык кысаларында Татарстан Республикасы Экология һәм табигать ресурслары министрлыгының Кама буе территориаль идарәсе инспекторлары Алабуга районы территориясен тикшергән. Чапаев урамы буенча узган рейд барышында экологлар биналарны сүтүдән барлыкка килгән рөхсәтсез чүплеккә тап булган. Чүпләнгән кишәрлекнең мәйданы – 583 кв.метр, күләме – 180 куб.метр.