«Чиста уеннар» сезоны башланды
24 апрельдә «Эковесна 2021» үзәк республика өмәсе кысаларында сезонның беренче уены узачак.
Командаларга билгеле бер территориядә чүп-чарны тиз арада җыярга, аны өч фракциягә бүләргә кирәк. Чүп-чар белән җыелган һәр капчык өчен командаларга мобиль кушымтада баллар өстәлә.
Иң күп балл җыйган командалар чара партнерларыннан кыйммәтле призлар алалар.
Төп приз – Зәңгәр күлгә чумып карау өчен сертификат.
Чарада катнашу өчен:
- 3-4 кешелек командага берләшергә;
- 22 апрельгә кадәр https://clck.ru/ULtbF сылтамасы буенча 18.00 сәгатькә кадәр алдан теркәлү узарга кирәк.
Акциядә катнашу өчен инвентарь урында биреләчәк. Катнашучыларны җыю һәм теркәү 2021 елның 24 апрелендә 09:00 сәгатьтән 10:00 сәгатькә кадәр «Франт» сәүдә үзәге янындагы парковкада узачак.
Чара программасында шулай ук тематик мастер-класслар, концерт программасы һәм кыр кухнясы да бар. Үзегез белән шәхси тәлинкә, кружка һәм кашык алырга онытмагыз.
Чиста уеннар «Эковесна 2021» үзәк республика өмәсе кысаларында үткәрелә. Өмәне оештыручылар – Татарстан Республикасы Экология һәм табигать ресурслары министрлыгы, Казан шәһәренең Совет районы администрациясе һәм Татарстан Республикасының иҗтимагый берләшмәләре.