ЯҢАЛЫКЛАР

Казан (Идел буе) федераль университетында “XXI гасырда юрисдикция фәне һәм мәгарифе” дигән, Казан университетының 210 еллыгына багышланган халыкара фәнни-гамәли конференция булып узды. Аның бер секциясе Казан һәм Мәскәү университетлары профессоры Владислав Петровның иҗади мирасына һәм хәзерге экологик хокук фәненә багышланган иде. “Татарстан Республикасының экологик политикасы аспектлары” дигән доклад белән экология һәм табигый байлыклар министры Артем Сидоров чыгыш ясады

24 сентябрь көнне Татарстан Республикасы Прокуратурасында табигать саклау органнары җитәкчеләренең табигатьтән файдалану өлкәсендәге хокук бозуларга һәм җинаятьләргә каршылык буенча координацион киңәшмәсе булып узды. Аны Идел төбәк-ара табигать саклау прокуроры Вениамин Селифанов белән берлектә Татарстан Республикасы прокуроры Илдус Нәфыйков алып барды. Киңәшмә эшендә шулай ук Татарстан экология һәм табигый байлыклар министры Артем Сидоров катнашты.
Экология министры Артем Сидоров үз докладында әйткәнчә, республикада үткәрелә торган күзәтчелек чараларының нәтиҗәлелеге табигать күзәтчелеге органнарының хезмәттәшлегенә турыдан-туры бәйле.

26 сентябрь көнне Татарстан Экология һәм табигый байлыклар министрлыгы персоналы белән янгын чыкканда һәм башка гадәттән тыш хәлләрдә эш итү күнекмәләре үткәрелде. Профилактика чаралары “Экстремизмга – юк!” айлыгы кысаларында Министрлыкның барлык территориаль идарәләрендә дә оештырылды.

Россия Табигать министрлыгында Россиядә калдыклар белән эш итү мәсьәләләре буенча “түгәрәк өстәл” үткәрелде. Чарада Кытай Халык Республикасының Әйләнә-тирәлекне саклау министрлыгы делегациясе, ЮНИДО (БМОның махсус оешмасы) делегациясе, ЮНИДОның Россиядәге Халыкара индустриаль хезмәттәшлек үзәге делегациясе, шулай һәм башкарма хакимият органнары вәкилләре катнашты.
“Түгәрәк өстәл”нең төп темасы булып Кытай Халык Республикасы һәм Россия Федерациясе арасында әйләнә-тирәлекне саклау өлкәсендә

2014 елның 21-23 ноябрендә Мәскәүдә 3нче халыкара махсуслашкан “ЭкоШәһәрЭкспо 2014” экологик чиста, табигый һәм органик продукция күргәзмәсе үткәреләчәк. Өч көн буена анда Россия һәм чит ил җитештерүчеләренең экологик продукциясе дүрт бүлектә күрсәтелә:
– “ЭкоFood” – экологик азык-төлек һәм эчемлекләр, таза туклану, фермерлар продукциясе;
– “ЭкоBeauty” – матурлык, косметика һәм мода индустриясендә органик һәм табигый продуктлар;
– “ЭкоHouse” – экологик торак кору, тоту һәм төзү өчен кирәкле барлык нәрсәләр;
– “ЭкоChildren” – балалар һәм ата-аналар өчен экологик продукцияләр.

29 сентябрьдә Экология министрлыгы каршындагы Коррупциягә каршылык комиссиясе утырышы үткәрелә. Көн тәртибендә 6 мәсьәлә, атап әйткәндә, – “2014 елның беренче яртысында антикоррупцион күзәтчелек”, Татарстанның Социаль-экологик күзәтчелек комитеты әзерләгән “Татарстан Республикасы халкының коррупция турындагы фикерләрен өйрәнү” дигән социологик тикшеренү йомгакларын карау.

Россия Федерациясе Табигый байлыклар һәм экология министрлыгында геология тармагында һөнәри кадрлар әзерләү мәсьәләсе буенча киңәйтелгән киңәшмә булып узды. Анда әйтелгәнчә, хәзерге вакытта югары геологик белемле белгечләр елына 2-2.5 мең кеше әзерләп чыгарыла. Шул ук вакытта, квалификацияле кадрларга ихтыяҗ кала килә, тармакка беренче чиратта җир астының геологик төзелешен өйрәнү, файдалы казылма яткылыкларын эзләү буенча яңа алымнарга һәм технологияләргә ия булган белгечләр кирәк.

Бүген Татарстан экология һәм табигый байлыклар министры Артем Сидоров “Автомобильсез көн” бөтендөнья акциясенә багышланган велоузышта катнашучылар белән очрашты. “Бердәм Россиянең Яшь Гвардиясе” бөтенроссия җәмәгать оешмасының Казан шәһәре Идел буе районындагы төбәк бүлекчәсе активистлары бу көндә вазифалык һәм хосусый автомобильләреннән баш тартып, велосипедка күчкән иде. Артем Сидоров аларга Татарстанда атмосфера һавасын яхшыртуга юнәлтелгән табигать саклау программалары турында сөйләде һәм республикадагы яшь буынны әйләнә-тирәлекнең торышын яхшырту буенча гамәли эшләргә җәлеп итүгә, актив яшәү позициясе тәрбияләүгә юнәлтелгән “Мәктәп эко-патруле”, “Саф караш” конкурсларында катнашырга чакырды.

Бүген Татарстан Экология һәм табигый байлыклар министрлыгының барлык хезмәткәрләре дә Автомобильсез көн акциясендә катнаштылар. Министрлык янындагы автостоянка бикле, ә хезмәткәрләр җәмәгать транспортында, вахта автобусында һәм велосипедта йөрде. Министр Артем Сидоров та җәмәгать транспортыннан файдаланды. Татарстан Министрлар Кабинетында узган традицион киңәшмәдән соң ул эш урынына 8нче троллейбуста килде. Аның әйтүенчә, бүген Автомобильсез көн акциясенә һәркем кушыла ала, җәмәгать транспорты торган саен яхшырак эшли, велосипедта йөрү мөмкинлекләре дә бар.

Татарстан Экология һәм табигый байлыклар министрлыгы хезмәткәрләре “Казан-Арена” стадионы янында узган, “2014 елгы Милләтләр кроссы” кысаларында оештырылган күмәк йөгерештә катнаштылар. Чара бөтенроссия йөгерү көненә багышланган иде. Йөгерешләрдә барлыгы 24 меңнән артып спорт сөюче катнашты.