ЯҢАЛЫКЛАР
Бүген Татарстан Республикасы Экология һәм табигый ресурслар министрлыгында Иҗтимагый яшьләр советы утырышы булды. Чарада министр Александр Шадриков рәислегендә Татарстанның Яшьләр хакимияте вәкилләре, республикадагы иҗтимагый яшьләр оешмаларыннан активистлар һәм югары белем бирү йортларында укучы студентлар катнашты.
Бүген Экология һәм табигый ресурслар министрлыгында Татарстан Республикасы буенча Росприроднадзор идарәсе белән алга таба үзара хезмәттәшлек итү мәсьәләләре хакында сөйләштеләр. Экологик күзәтчелек буенча хезмәттәшләр белән очрашуны министр Александр Шадриков уздырды. Киңәшмә барышында, шул исәптән 2018 елда Футбол буенча дөнья чемпионаты кысаларында, республиканың экологик куркынычсызлыгын тәэмин итү мәсьәләләре каралды.
Казан шәһәренең Авиатөзелеш районындагы аерым предметларны тирәнтен өйрәнүче 33 санлы урта гомуми белем бирү мәктәбендә укучылар ел дәвамында 5 капчык батарейка җыйган. Табигать саклау акциясендә актив катнашканнары өчен мәктәп укучылары Татарстан Республикасы Экология һәм табигый ресурслар министрлыгының Рәхмәт хаты белән билгеләп үтелде.
Икенче ел рәттән Татарстан Республикасы командасы ECO Solution Cup Экологик кейслар кубогы хуҗасына әверелде. Традицион интеллектуаль чара Россия Федерациясе Чит ил эшләре министрлыгының Мәскәү дәүләт халыкара мөнәсәбәтләр институты базасында узды. Безнең республиканың "Эко Топ" командасы өлкән сыйныфлардан укучылардан торучы бердәнбер команда иде.
Күзәтчелек чараларын көчәйтү һәм халык белән эшләүне активлаштыру. Бүген Әлмәттә һәм Азнакайда республикада санитар-экологик икеайлыкны уздыру бурычлары турында сөйләштеләр. Көньяк-Көнчыгыш һәм Ык буе муниципаль районнарында табигать саклау чараларына әзерлекне Татарстан Республикасы экология һәм табигый ресурслар министры урынбасары – әйләнә-тирә мохитне саклау өлкәсендә Татарстан Республикасының баш дәүләт инспекторы Фаяз Шакиров тикшерде.
Бүген Россия башкаласында Мәскәү шәһәренең Табигатьтән файдалану һәм әйләнә-тирә мохитне саклау департаменты коллегиясенең "2017 елда Мәскәү шәһәрендә әйләнә-тирә мохитнең торышы һәм 2018 елга бурычлар хакында" мәсьәләсе буенча утырышы булды.
Канализация-насос станциясе эшенә килгән хилафлык чистартылмаган агынты суның Казан шәһәрендәге Боевая урамына ташлануына китергән. Экологик яктан куркынычлы матдәләр һәм калдыклар белән эш итү кагыйдәләрен бозу очрагы быелның гыйнвар аенда Татарстан Республикасы Экология һәм табигый ресурслар министрлыгының Үзәк территориаль идарәсе инспекторлары тарафыннан ачыкланды.
28 март көнне Татарстан Республикасы предприятиеләре һәм оешмалары "Су белән тәэмин итүнең җир асты чыганаклары. Җир асты сулыкларыннан файдалану һәм саклау өлкәсендә эшчәнлекне хокукый җайга салу" темасына семинарда катнаша ала. Чараның оештыручылары – Татарстан Республикасы Экология һәм табигый ресурслар министрлыгы һәм Татарстан Республикасының Геология һәм җир асты байлыкларыннан файдалану буенча фәнни-җитештерү берләшмәсе.
Беренчел мәгълүматларга караганда, "Җир Сәгате" акциясе барышында татарстанлыларга 55 МВт электр энергиясен янга калдыру мөмкин булды. Планетадагы энергия ресурсларын саклау максатында барлык хакимият органнарының, предприятиеләрнең һәм оешмаларның җитәкчеләре, шулай ук республикада яшәүчеләр узган шимбә көнендә биналарның тышкы архитектур-декоратив утларын, торак урыннарындагы яктылык чыганакларын һәм электр җайланмаларын сүндереп торды.
2018 елның 31 мартына кадәр Татарстандагы фотосөючеләр Рус география җәмгыятенең "Иң гүзәл ил" IV фотоконкурсында катнаша ала. Фотоконкурс Россиянең табигый һәм мәдәни мирасын саклау, шулай ук фото сәнәгате аша әйләнә-тирә мохиткә сакчыл мөнәсәбәт тәрбияләү мәсьәләләренә игътибар җәлеп итүгә юнәлдерелгән.
Фотоконкурс түбәндәге номинацияләр буенча үткәрелә: