Законсыз сатумы яки легаль кабул итүме? Көектә туфракның уңдырышлы катламын салдырып алу турындагы эш полиция бүлегенә тапшырылган
Татарстан Республикасы Экология һәм табигать ресурслары министрлыгының Үзәк территориаль идарәсе инспекторлары Питрәч районының Көек авылында кара туфрак төяп торган самосвал кузовына тап булган. Экологлар килгән вакытта алынган грунтта кара җир сатылуы турында белдерү куелган булган. Территория хуҗасының вәкиле белән аралашу бу хәлгә ачыклык кертә алмаган, ул туфракның салдырып алынган уңдырышлы катламы шәхсән файдалану өчен билгеләнгән, ә участогы төзелешкә бирелгән, дип раслаган. Туфрактан салдырып алынган катламның гомуми мәйданы 125 кв. м. тәшкил итә.
Әлеге урынга Россия Эчке эшләр министрлыгының Питрәч районы бүлеге хезмәткәрләре килеп җиткәнче, сату турындагы элекке баннер оператив рәвештә шундый ук баннерга алмаштырылган, әмма эчтәлеге грунт кабул итүгә алмаштырылган. Әлеге гражданнар законда билгеләнгәнчә эш иткәнме-юкмы икәнлеген полиция хезмәткәрләренә ачыкларга туры киләчәк. Процессуаль карар кабул итү өчен, тикшерү материаллары Эчке эшләр министрлыгы бүлегенә тапшырылган.