ЯҢАЛЫКЛАР

Юк ителгән 40тан артык чүплек, 100гә якын төзекләндерелгән чишмә. Әсәй авыл җирлегендә Азнакай районының табигать саклау эшчәнлеге турында фикер алыштылар. Күчмә киңәшмәдә Татарстан Республикасы Экология һәм табигый байлыклар министрлыгының Ык буе территориаль идарәсе башлыгы Хәлил Мөстәкыймов, Азнакай муниципаль районы башлыгы Марсель Шәйдуллин, Азнакай муниципаль районы башкарма комитеты җитәкчесе Айдар Шәмсетдинов, авыл җирлекләре башлыклары, район предприятиеләре һәм оешмалары җитәкчеләре катнашты.

Казан шәһәре мәктәпләренең 8-11 сыйныфлары укучылары «Зилант» XVIII шәһәр ачык экологик форумында катнашырга чакырыла, ул 2018 елның 26 январенда узачак. Әлеге чараның оештыручылары булып Татарстан Республикасы Экология һәм табигый байлыклар министрлыгының Үзәк территориаль идарәсе, Шәһәр балалар экология-биология үзәге, Казан федераль университеты тора.

Экологик форум түбәндәге юнәлешләр буенча узачак:

2017 елның 21 ноябрендә Татарстан Республикасы Экология һәм табигый байлыклар министрлыгында (Павлюхин ур., 75) Ачык ишекләр көне була. Әйләнә-тирә мохитне саклауга һәм Татарстан Республикасы террриториясендә экологик иминлекне тәэмин итүгә, табигатьтән файдалануга кагылышлы сорауларга Экология министрлыгы белгечләре җавап бирәчәк.

Казан шәһәренең 6-8 сыйныф укучылары мәктәп укучыларының экология-биология буенча ачык шәһәр олимпиадасында катнашырга чакырыла. Интеллектулаль чара 2нче декабрьдә 13 сәгатьтән 16 сәгатькә кадәр 126нчы гимназиядә узачак.

Катнашу өчен 26нчы ноябрьгә кадәр заявканы arslanuk@mail.ru электрон почтасы яки Казан, Космонавтлар ур., 57 адресы буенча бирергә кирәк. Заявкада түбәндәгеләрне күрсәтергә:

Татарстан Республикасы Экология һәм табигый байлыклар министрлыгы “ЭКОлидер” республика конкурсының старт алуы турында игълан итә. Бурычлары табигать сакларга өйрәтү булган иң экологияле предприятиеләр, уку йортлары, әйләнә-тирә мохит мәсьәләләренә битараф бумаган җәмәгатьчеләр һәм, әлбәттә инде, ел дәвамында Татарстан Экология министрлыгы инспекторларының чын ярдәмчеләре булган журналистлар конкурста катнашырга чакырыла.

Эшләр түбәндәге төркем һәм номинацияләр буенча кабул ителә:

Оешмалар һәм шәхси эшмәкәрләр:

Экология елы кысаларында казанлылар 5 тонна файдаланылган батарейкалар җыйды. Эшләүдән туктаган химик ток чыганаклары 1 класс куркынычлыктагы көнкүреш чүбенә карый. Аларда аккургаш, терекөмеш, цинк, магний, никель, кадмий, кургаш бар, ә бармаксыман бер батарейка 10-15 квадрат метр туфракны яки 400 литр суны пычрата ала. Куркыныч калдыкларның каты көнкүреш калдыклары полигоннарына эләгүен киметү максаты белән, Татарстан Республикасы Экология һәм табигый байлыклар министрлыгы тарафыннан батарейкаларны җыю һәм утильләштерү буенча проект эшләнде.

Әлмәт районында Җир асты байлыкларыннан тиешле шартларны бозып файдалану фактын Татарстан Республикасы Экология һәм табигый байлыклар министрлыгының Көньяк-Көнчыгыш территориаль идарәсе инспекторлары ачыклады. «Соловьевский» җир асты байлыклары кишәрлегендә төзелеш компаниясе гомумтаралган файдалы казылма (вак таш) чыгаруны гамәлгә ашыра.

Бүген бөтен дөньяда Рециклинг көне яки Икенчел эшкәртү көне билгеләп үтелә. 1997 елдан башланып киткән бәйрәм датасы хакимиятләрнең, җәмәгатьчелекнең һәм сәнәгать структураларының игътибарын әйләнә-тирә мохитне пычрату белән көрәшкә җәлеп итүгә һәм ресурсларның чикләнгәнлеге проблемаларын хәл итүгә юнәлтелә.

Республикадагы беренче экологик сыйныф укучылары Кызыл китап сәхифәләре буйлап узды. Укучылар өчен белем бирү чарасын Татарстан Республикасы Экология һәм табигый байлыклар министрлыгы белгечләре Республика Милли музее хезмәткәрләре белән берлектә үткәрде. ЭКОдәрес барышында алар балаларга хайваннарның кайбер төрләренең ни өчен Кызыл китапка кертелүе турында һәм туган як хайваннар дөньясының кайсы төрләре саклауга аеруча мохтаҗ булуы турында сөйләделәр.

2017 елның 12-14 декабрендә «Крокус Экспо» Халыкара күргәзмәләр үзәгендә әйләнә-тирә мохитне саклау буенча V Бөтенроссия съезды булачак. Тиешле боерыкка Россия Федерациясе Табигый ресурслар һәм экология министры Сергей Донской кул куйды.