ЯҢАЛЫКЛАР
«Халык контроле» системасы аша килгән мөрәҗәгатьләрне карау барышында ТР Экология министрлыгының Үзәк идарәсе инспекторлары Казан шәһәренең Идел буе районы территориясен тикшерделәр. Мониторинг барышында табигатьне саклау законнарын бозу факты расланды, ә атап әйткәндә, Мирный торак массивында теркәлгән ике санкцияләнмәгән чүплек булуы ачыкланды.
1 июньнән Татарстан Республикасында «Чиста һава» оператив-профилактик чарасы дәвам итә, ул «Экологик иминлек» илкүләм проектына ярдәм йөзеннән үткәрелә. ТР Экология министрлыгы инспекторлары, Татарстан Республикасы буенча ЭЭМның Дәүләт автоиспекциясе һәм Идел буе федераль округы буенча Ространснадзорның төбәкара территориаль идарәсе хезмәткәрләре белән берлектә, автотранспортның экологик яктан чиста булуын тикшерәләр. Контрольлек чаралары республиканың 23 районында узды инде.
Экология министрлыгының Көньяк-Көнчыгыш идарәсе инспекторлары Нурлат шәһәренең балалар бакчаларында очрашулар үткәрделәр. Экология белән шөгыльләнүнең максаты – балаларда әйләнә-тирә мохиткә аңлы мөнәсәбәт формалаштыру һәм табигатькә мәхәббәт тәрбияләү.
Ике суд инстанциясе экологлар позициясен хуплады һәм хокук бозучыны чүп-чарны санкцияләнмәгән килеш җыю аркасында туфракка китерелгән зыян өчен 2 миллион 39 мең сум күләмендә түләргә мәҗбүр итте.
Татарстан Республикасында «Экологик иминлек» илкүләм проектына ярдәм йөзеннән гамәлгә ашырыла торган «Мәктәп экопатруле» республика конкурсының яңа, инде XI этабына гаризалар кабул итү башланды. Конкурс республикада 2014 елдан ТР Рәисе Рөстәм Нургали улы Миңнеханов карары белән үткәрелә.
Бүген, 1 сентябрь көнне, Нурлат гимназиясенең мәктәп ишегалдына балалар, ата-аналар һәм укытучылар җыелды.
2023 елдан «Татнефть» компаниясе, ТР Экология һәм табигать ресурслары министрлыгы белән берлектә, 5-9 сыйныф укучылары өчен төп экологик вакыйгаларның берсе булган «Чиста мирас» олимпиадасын үткәрә. 2025 елда олимпиада инде өченче тапкыр узачак. 1 сентябрьдә әлеге экологик чарада катнашу өчен гаризалар кабул ителә башлый.
Экологлар быелның 1 гыйнварыннан республика иҗтимагый экологик кабул итү бүлмәсенә кергән 4170 мөрәҗәгатьнең 3659сын карап хәл иттеләр.
Министрлыкның интернет-кабул итү бүлмәсе аша 1918 мөрәҗәгать килгән, 1204 мөрәҗәгать «Мәктәп экопатруле» кушымтасында кабул ителгән. «Халык контроле» системасында 930 хәбәр һәм «ПОС» кире элемтә платформасында 118 хәбәр теркәлгән.
Беренче сыйныф укучыларының әти-әниләре ТР Экология министрлыгы профсоюзыннан бүләкләр алдылар.
1 гыйнвардан атмосфера һавасының пычрануын контрольдә тотуның 17 автоматик станциясе (АСКЗА) тарафыннан 2,06 млн.үлчәү башкарылган. Шуларның 706 меңе Казанда урнашкан биш станция тарафыннан үткәрелгән.