Татарстан Республикасы Министрлыклары Татарстан Республикасы Экология һәм табигать ресурслары министрлыгы

ЯҢАЛЫКЛАР

февраль, 2014 ел

сишәмбе

Татарстан Экология һәм табигый байлыклар министрлыгының Идел-Кама территориаль идарәсе эшчәнлегенә йомгаклар

Татарстан Экология һәм табигый байлыклар министрлыгының Идел-Кама территориаль идарәсендә “2013 елгы эшчәнлеккә йомгаклар һәм 2014 елга бурычлар турында” киңәшмә булып узды, анда Министр урынбасары – республиканың табигать саклау буенча баш дәүләт инспекторы Рәмил Низамов катнашты.
Идел-Кама территориаль идарәсендә экологик күзәтчелек функцияләрен үтәү кысаларында 439 тикшерү үткәрелгән. Шулар нәтиҗәсендә 561 бозыш ачыкланган, 581е бетерелгән, бу 103.6% тәшкил итә (2012 елда 88.5% булган).

февраль, 2014 ел

якшәмбе

Экология министрлыгы хезмәткәрләре «Россия чаңгы юлы» күмәк узышында катнаштылар

Бүген Татарстан Экология һәм табигый байлыклар министрлыгы хезмәткәрләре “Россия чаңгы юллары” XXXII ачык Бөтенроссия күмәк чаңгы узышында катнаштылар. Быел ул шушы көннәрдә Сочи шәһәрендә уза торган XXII кышкы олимпия уеннарына багышланды. Казанлылар 2014 метрлы дистанциядә узыштылар. Төп ярышлар Урман арты бистәсендәге “Кояшлы” савыктыру лагеры каршында уздырылды. Аннан тыш, “Россия чаңгы юлы-2014” Идел буе районы Имәнлек урамының урман паркы зонасында һәм Совет районы Дәрвишләр бистәсендәге Каенлыкта булып узды.

февраль, 2014 ел

җомга

Экология буенча мәктәп балалары бөтенроссия олимпиадасының региональ этабы

Петровский бистәсенең “Регина” кунакханә комплексында Экология буенча мәктәп балалары бөтенроссия олимпиадасының региональ этабы уздырыла.
Быел, яңа кагыйдәләр буенча, региональ этапта катнашучылар оештыру комитетына үз экологик проектларын алдан тапшырганнар иде.

февраль, 2014 ел

пәнҗешәмбе

Татарстан Экология һәм табигый байлыклар министрлыгының Төньяк территориаль идарәсендә 2013 елгы эшләргә йомгак ясалды

Татарстан Экология һәм табигый байлыклар министрлыгының Төньяк территориаль идарәсендә, Министр урынбасары – республиканың табигать саклау буенча баш дәүләт инспекторы Рәмил Низамов катнашында, “2013 елгы эш йомгаклары һәм 2014 елга бурычлар билгеләү” дип аталган киңәшмә уздырылды.

Мәктәп балаларының XIV «Зилант» шәһәр экологик форумы башланды

Казанда мәктәп балаларының XIV “Зилант” шәһәр экология форумы башланды. Чара 2001 елдан бирле үткәрелә, ул балаларга системалы экологик белем һәм тәрбия бирүгә, шул өлкәдә бердәм белешмә тирәлеге булдыруга юнәлтелгән. “Зилант”ны быел Татарстан Экология һәм табигый байлыклар министрлыгының Үзәк территориаль идарәсе, Казан мәгариф идарәсе, КФУ һәм Казан шәһәре Балалар экология-биология үзәге оештыра.

Көньяк-көнчыгыш территориаль идарәсе инспекторлары су саклау зонасы чикләрендә урнашкан объектларны җиһазлау таләпләрен үтәмәгән өчен административ материал төзеделәр

Татарстан Экология һәм табигый байлыклар министрлыгының Көньяк-көнчыгыш территориаль идарәсе инспекторлары Лениногорск районы территориясенә күзәтү барышында “Төзекләндерү һәм Яшелләндерү” ҖЧҖ, “Нефтестрой” ҖЧҖ предприятиеләренә һәм Камышлы елгасының су саклау зонасында хуҗалык итүче кайбер хосусый эшмәкәрләргә карата административ тикшерү кузгаттылар. Алар Камышлы елгасыннан алган су пробаларында бакыр буенча рөхсәт ителгән иң зур концентрация (ПДК) арттырылган булып чыкты.

гыйнвар, 2014 ел

җомга

Татарстан Экология һәм табигый байлыклар министрлыгы коллегиясе утырышы булып узды

Бүген IT паркта, Татарстан Республикасы Премьер-министры Илдар Халиков катнашында, Татарстан Экология һәм табигый байлыклар министрлыгы коллегиясенең “Татарстан Республикасы Экология һәм табигый байлыклар министрлыгының 2013 елгы эш йомгаклары һәм 2014 елга бурычлары” дип аталган утырышы булып узды
Татарстан Экология һәм табигый байлыклар министры Артем Сидоровның әйтүенчә, узган ел республика экологлары өчен ике зур вакыйга – Россия Федерациясендә Әйләнә-тирәлекне саклау елы, ә Татарстанда Экологик культура һәм әйләнә-тирәлекне саклау елы үткәрелү белән, шулай ук Казанда Бөтендөнья Универсиадасы үткәрелү белән истәлекле булган. Төп тырышлык әйләнә-тирәлекнең сыйфатын яхшыртуга юнәлтелгән. Чараларны планлаштыру һәм күзәтчелек эшләре экологик мониторинг белешмәләренә нигезләп алып барылган.

гыйнвар, 2014 ел

пәнҗешәмбе

2 февраль – Халыкара сулы-сазлы җирләр көне

2 февральдә Халыкара сулы-сазлы җирләр көне билгеләп үтелә. Бу көндә үткәрелә торган чаралар планетабызның тотрыклы хәле өчен сулы-сазлы җирләрнең әһәмиятенә игътибар юнәлтәләр.
1971 елның 2 февралендә Иранның Рамсар шәһәрендә сулы-сазлы җирләрнең бигрәк тә су кошлары өчен халыкара әһәмияте буенча конвенциягә (Рамсар конвенциясенә) кул куелган иде. Аның төп максаты булып дөньяның тотрыклы үсешенә ирешү өчен сулы-сазлы җирләрне саклау һәм бәрәкәтле файдалану тора. Сулы-сазлы җирләрнең халыкара көне беренче тапкыр 1997 елда билгеләп үтелде.

Санкт-Петербургта «Өмет меридианы» Дүртенче Бөтенроссия экологик кинофестивале уздырыла

2014 елның 21-24 апрелендә Санкт-Петербургта “Өмет меридианы” Дүртенче Бөтенроссия экологик кинофестивале уздырыла, ул Табигатьтән файдалану өлкәсендә күзәтчелек федераль службасы һәм Санкт-Петербург кинематографистлар берлеге тарафыннан 2011 елда нигезләнгән иде. Чара гражданнар игътибарын уңайлы әйләнә-тирәлекне саклау проблемаларына җәлеп итүгә, илнең экологик тематикалы фильмнар төшерүче кинематографистларын берләштерүгә, дөньяга экологик караш һәм экологик культура тәрбияләүгә юнәлтелгән.

гыйнвар, 2014 ел

чәршәмбе

Роспотребнадзорның 2013 елгы эшенә йомгак ясалды

Бүген “Корстонда” Татарстан премьер-министры Илдар Халиков катнашында, Татарстан буенча Кулланучылар хокукларын һәм кеше иминлеген яклау федераль идарәсенең (Роспотребнадзорның) коллегия утырышы булып узды.
Роспотребнадзорның Экология министрлыгы белән бәйләнешләре турында доклад белән Татарстан Экология һәм табигый байлыклар министры Артем Сидоров чыгыш ясады. Аның әйтүенчә, Казан шәһәрендә атмосфера һавасын пычратуның стационар чыганаклары (предприятиеләр) һәм автотранспорт агымнары турында белешмәләр базасы, шулай ук шәһәрнең атмосфера һавасындагы пычраткыч матдәләр күләме буенча Министрлык һәм Роспотребнадзор идарәсе үткәргән үлчәүләр Универсиадага әзерлек һәм аны үткәрү барышында атмосфера һавасының тиешле сыйфатын тәэмин итүче чаралар комплексын әзерләү өчен файдаланылган.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ