ЯҢАЛЫКЛАР
1 апрельдә, санитар-экологик икеайлык белән бергә, батарея җыю акциясе старт алды. Анда балалар бакчаларында тәрбияләнүчеләр һәм гомуми белем бирү оешмаларында укучылар, шулай ук Татарстан Республикасы балалар бакчалары һәм мәктәпләре катнаша ала. Акцияне үткәрү чорында эшкәртелгән ток чыганакларын җыярга һәм 26 майдан 31 майга кадәр барлык җыелган батареяларны база җыю нокталарына китерергә кирәк. Мондый җыю нокталары, ә алар Татарстан буенча 50дән артык булачак, һәр муниципаль берәмлектә оештырылачак. Шулай ук батареяларны Экология министрлыгының территориаль идарәләренә тапшырырга мөмкин булачак.
Кама буе идарәсе инспекторлары Әгерҗедә рөхсәтсез калдыклар ташлау урынын ачыкладылар. Чүплек Әгерҗе урамы янындагы ызанланмаган территориядә 135 кв.м мәйданда урнашкан.
Санитария икеайлыгы кысаларында Экология министрлыгының Кама буе идарәсе инспекторлары, «Юл хәрәкәте иминлеге» ДБУ Чаллыдагы территориаль идарәнең юл буе полосаларыннан файдалануның билгеләнгән тәртибен үтәүне тәэмин итү бүлеге белгечләре белән берлектә, юл буе полосаларына күчмә тикшерү уздырды.
Балалар экоквестта катнаштылар, анда табигать табышмакларын чиштеләр һәм кошларны тавышларыннан таныдылар. Балалар шулай ук кошларга һәм орнитологларга багышланган бәйрәм даталары турында да белделәр.
Республикада Татарстан Рәисе Р.Н.Миңнеханов кушуы буенча бара торган чисталык икеайлыгы кысаларында Кама аръягы идарәсе инспекторлары рөхсәтсез дүрт чүплек урынын таптылар. Чүплекләр Түбән Кама шәһәрендә дә, Түбән Кама районында да ачыкланды.
Экология министрлыгында Геолог көненә күпьеллык намуслы хезмәт һәм әйләнә-тирә мохитне саклау эшенә, җир асты байлыкларын өйрәнүгә һәм Татарстан Республикасының минераль-чимал базасын торгызуга керткән зур өлеш өчен хезмәткәрләргә ведомствоның мактау бүләкләре һәм грамоталар тапшырылды.
Идел аръягы идарәсе инспекторлары Буа районы студентлары арасында узган «Яшел өчпочмак» кейс-чемпионатының читтән торып үткәрелгән этабы экспертлары булды.
Республикада «Экологик иминлек» илкүләм проектын яклап бара торган санитар-экологик икеайлык кысаларында Идел-Кама идарәсе инспекторлары Алексеевск шәһәр тибындагы бистәсендә өч чүплек таптылар. Мичурин урамында ике калдык туплау урыны теркәлде, тагын бер урын – Яр буе урамында.
Кама аръягы идарәсе инспекторлары Түбән Кама шәһәренең "Солнышко" балалар бакчасында тәрбияләнүчеләр белән бергә экодәрес кысаларында табигатьтә һәм кеше тормышында кошларның роле һәм әһәмияте турында фикер алыштылар. Балалар экосистемалар турында, аларда кошларның ничек катнашуы, башка тереклек ияләренә нәрсә белән ярдәм итүләре турында белделәр.
Ел башыннан республика иҗтимагый экологик кабул итү бүлмәсенә 1180 мөрәҗәгать килгән, аларның 751е инде хәл ителгән.